- Bæjarfjölmiðillinn í Vestmanneyjum -

Það er gott að geta vaknað glaður

Á morgun laugardag göngum við til bæjarstjórnarkosninga hér í Vestmannaeyjum sem og annarstaðar á landinu. Þá reynir á kunnáttu einstaklingsins og rökhugsun til að velja það sem hentar hans hagsmunum og heildarinnar. Framboðin þrjú hafa birt stefnu sína í þeim málefnum sem þau telja brýnust og þjóna þeim tilgangi að kjósendur hrífist nægjanlega til að greiða þeim atkvæði. Auðvitað á kjósandinn að fylgja því framboði sem hefur þann boðskap sem þjónar honum best og því samfélagi sem hann lifir í. Unga fólkið með börn á leikskóla aldri og grunnskóla aldri, velur það framboð sem býður bestu þjónustuna að hans mati svo dæmi sé tekið.

Við hjá Fyrir Heimaey höfum birt okkar boðskap sem borinn hefur verið í öll hús hér í bæ. Þar er farið yfir það hvernig við sjáum framtíðina fyrir okkur og hverju við höfum áorkað á því kjörtímabili sem nú er á enda.

Það er von okkar að þú kjósandi góður sjáir þér fært að kynna þér það sem Fyrir Heimaey hefur áorkað og ætlar sér að gera á næstu fjórum árum fáum við umboð þitt. Á kjörtímabilinu höfum við komið í framkvæmd yfir 90% af kosningaloforðum, við erum framboð sem stöndum við það sem við stefnum að. Rekum ábyrga fjármálastefnu og vitum það að okkar hlutverk er þjónustustarf fyrir samfélagið.

Betri Eyjar – fyrir alla, minna þras – meiri gleði.

Það er gott að geta vaknað glaður með það samfélag sem maður býr í.

X við H er lykillinn að hamingjusömu samfélagi í Vestmannaeyjum fyrir alla.

Örn Friðriksson
Höfundur skipar 4. sæti á lista Fyrir Heimaey í komandi sveitarstjórnarkosningum.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is