Það er bullandi vertíð

Síldarvinnslan.is sló í gærmorgun á þráðinn til Birgis Þórs Sverrissonar, skipstjóra á Vestmannaey VE, og Jóns Valgeirssonar, skipstjóra á Bergey VE, og spurði þá um yfirstandandi vertíð. Vestmannaey var að landa í heimahöfn og Birgir Þór var ánægður með fiskiríið. „Það er bullandi vertíð og hörkufiskirí. Við höfum að undanförnu landað fullfermi upp í þrisvar í viku. Nú erum við að landa og aflinn er mest þorskur og ýsa. Það er mjög mikið af ýsu og það virðist vera gott ástand á henni. Við erum nokkuð vel settir með ýsukvóta en sumir, sem ekki hafa jafn mikinn kvóta, lenda í vandræðum. Að undanförnu höfum við mest verið að fiska í Háfadýpinu og á Landsuðurshrauni og við getum ekki kvartað undan neinu nema veðrinu. Það mætti vera heldur betra veður. Það er alltof mikið um brælur. Núna eftir löndunina stoppum við og förum ekki út á ný fyrr en á fimmtudag,“ segir Birgir Þór.

Þegar rætt var við Jón Valgeirsson var Bergey á landleið með fullfermi. „Við löndum núna strax á eftir Vestmannaey. Aflinn er mest þorskur og ýsa. Eins og aðrir kvörtum við undan því að ýsan er allsstaðar. Það er alltof mikið af henni miðað við kvótann. Við höfum að undanförnu fiskað í næsta nágrenni við Eyjar og það hefur gengið vel. Það liggur býsna vel á okkur og menn eru ánægðir með vertíðina hingað til. Þetta lítur bara ágætlega út,“ segir Jón.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search