Báðar viðureignir ÍBV og Sokol Pisek í 16-liða úrslitum Evrópubikarkeppninni í handknattleik kvenna fara fram í Vestmannaeyjum. Þessu greinir handbolti.is frá. Samkvæmt vef Handknattleikssambands Evrópu hefst fyrri leikurinn klukkan 15 á laugardaginn og sá síðari klukkan 13 daginn eftir.
Sokol er tékkneskt félagslið sem bænum Pisek. Liðið situr í sjötta sæti af 14 liðum í MOL-deildinni, sem er sameiginleg deildarkeppni Tékka og Slóvaka með 13 stig að loknum 12 leikjum, hefur unnið sex leiki, gert eitt jafntefli og tapað fimm leikjum.
Sokol Pisek er komið í undanúrslit tékknesku bikarkeppninni.
ÍBV hefur til þessa unnið tvö grísk félagslið á leið sinni í 16-liða úrslit Evrópubikarkeppninni. Fyrst lágu leikmenn PAOK í valnum eftir tvo leiki sem báðir fór fram í Þessalóníku. Í nóvember sló ÍBV Panorama í 32-liða úrslitum í tveimur leikjum sem háðir voru í Vestmannaeyjum.
Áður en að Evrópuleikjunum kemur þá tekur ÍBV á móti HK á miðvikudagskvöld í Vestmannaeyjum í fyrsta leik ársins í Olísdeild kvenna. Mjög þétt leikjadagskrá bíður ÍBV-liðsins í þessum mánuði vegna þess að nokkrum viðureignum í Olísdeildinni sem fram áttu að fara í desember varð að fresta vegna þátttöku Mariju Jovanovic á heimsmeistaramótinu á Spáni með serbenska landsliðinu.
