Árlegir jólatónleikar Kórs Landakirkju eru einn af hápunktum aðventunnar í Vestmannaeyjum og uppskeruhátíð kórfélaga á hverju ári. Og þeir stóðu sannarlega undir nafni í gær þar sem allt small saman, kórinn, undirleikur, einsöngvarar og svo ekki sé minnst á kynningar Ragnars Óskarssonar sem settu skemmtilegan svip á kvöldið.
Kór Landakirkju hefur sjaldan verið betri og Kitty Kovács, sú snjalla tónlistarkona, stjórnandi og undirleikari hefur góða stjórn á sínu fólk sem lagði sig allt fram. Söngkonurnar tvær, Dagbjörg Lena Sigurðardóttir sem er stíga sín fyrstu skref sem einsöngvari stóð sig vel og Silja Elsabet Brynjarsdóttir sýndi enn og sannaði að þar fer rísandi stjarna. Balázs Stankowsky kann flestum betur að fara höndum um fiðluna og þess fengu gestir að njóta.
Saman náðu þau að skapa einstaka stemningu, bæði á fyrri hluta tónleikanna í Safnaðarheimilinu og ekki síður í Kirkjunni sjálfri þar sem prestarnir, Viðar og Guðmundur Örn lögðu sín lóð á vogarskálina til að fanga anda jólanna sem fylgdi gestum þegar heim var haldið.
og sem hefur skipað sér á sess með fremstu söngkonum landsins. Gestir á jólatónleikum kórs Landakirkju voru ekki sviknir að frammistöðu Silju eða annarra í gærkvöldi. Balázs Stankowsky lék svo undir á fiðlu í völdum lögum en þar er eins og Eyjamenn þekkja fer mikill fagmaður. Herforingi kvöldsins var svo að sjálfsögðu hin hæfileikaríka Kitty Kovács stjórnandi og undirleikari kórsins, sem batt hópinn saman í frábæra upplifun fyrir tónleikagesti.
Það er óhætt að segja að tónleikagestir hafi gengið út í desemberkvöldið með jól í hjarta eftir notalega kvöldstund.
