Sýslumaðurinn í Vestmannaeyjum stýrir tilraunaverkefni um að efla og þróa samvinnu á velferð og högum barna | Tígull.is - Fréttir og viðburðir í Vestmannaeyjum
119663482_640817309906196_8373531730651748631_n

Sýslumaðurinn í Vestmannaeyjum stýrir tilraunaverkefni um að efla og þróa samvinnu á velferð og högum barna

17.09.2020

Í dag var skrifað undir samstarfssamning sýslumanns í Vestmannaeyjum, félagsmálaráðherra og dómsmálaráðherra í Landlyst. Um er að ræða styrkveitingu vegna tilraunaverkefnis sem sýslumanni í Vestmannaeyjum hefur verið falið að stýra en að verkefninu vinna einnig Lögreglustjórinn í Vestmannaeyjum og félagsþjónstu og barnavernd í Eyjum.

Nánar um verkefnið:

Sýslumanninum í Vestmannaeyjum hefur verið falið að stýra tilraunaverkefni sem felur í sé að efla og þróa samvinnu sýslumanna, lögreglu, félagsþjónustu og barnaverndar í málum er lúta að velferð og högum barna, með áherslu á vernd barna sem búið hafa við ofbeldi á heimili.

Verkefnið er ein af sjö megintillögum aðgerðateymis gegn ofbeldi sem skipað var í maí af Ásmundi Einari Daðasyni, félags- og barnamálaráðherra, og Áslaugu Örnu Sigurbjörnsdóttur, dómsmálaráðherra. Aðgerðateymið skipa Eygló Harðardóttir og Sigríður Björk Guðjónsdóttir ríkislögreglustjóri.

Arndís Soffía Sigurðardóttir, sýslumaður í Vestmannaeyjum, stýrir verkefninu og Arndís Bára Ingimarsdóttir settur lögreglustjóri og Guðrún Jónsdóttir félagsráðgjafi starfa með henni að verkefninu.

Vinnunni er ætlað að bæta verklag og þjónustu gagnvart börnum sem hafa búið við ofbeldi á heimilum sínum. Covid-19 faraldurinn leggst þungt á samfélög og getur falið í sér alvarlega félagslega einangrun. Tölfræði ríkislögreglustjóra á landsvísu sýnir að heimilisofbeldismál jukust um 10% á meðan aðgerðir vegna faraldursins stóðu sem hæst og sömuleiðis fjölgaði tilkynningum til barnaverndar á landsvísu og fleiri börn en áður hringdu sjálf til að greina frá slæmum aðbúnaði sínum.

 

Hér skrifar Ásmundur Einar undir samningin.

Ásmundur Einar Daðason, félags-og barnamálaráðherra: „Eitt af þeim verkefnum sem ég setti í forgang þegar ég tók við sem ráðherra var að finna leiðir til þess að láta kerfin okkar tala betur saman og loka gráum svæðum þannig að barnið verði hjartað í kerfinu en ekki öfugt. Það er mjög spennandi að sjá þetta tilraunaverkefni fara af stað í Vestmannaeyjum en ég held að það sé engin betri fjárfesting í íslensku samfélagi en í velferð barnanna okkar.“

Áslaug Arna Sigurbjörnsdóttir, dómsmálaráðherra: „Málefni barna og fjölskyldna eru forgangsmál í mínum huga og í því skyni hækkaði ég fjárheimildir til sýslumannsins á höfuðborgarsvæðinu í mars sl. með því skilyrði að fjármagninu yrði ráðstafað í að stytta biðtíma. Leit ég þar ekki síst til aukinnar skilvirkni og hraðari afgreiðslu á fjölskyldusviði sýslumannsins á höfuðborgarsvæðinu. Tilraunaverkefnið sem ýtt er úr vör nú, er frábært skref í að tryggja frekari samvinnu í fjölskyldumálum milli sýslumannsembætta en einnig við aðrar stofnanir er koma að málefnum barna sem verða fyrir ofbeldi. Um er að ræða mikilvæga eflingu þjónustu við okkar viðkvæmasta hóp. Embættið í Vestmannaeyjum styrkist en um leið dreifist álag milli sýslumannsembætta. Það skilar sér í styttri biðtíma og betri þjónustu við börn og borgara alla.”

Arndís Soffía Sigurðardóttir, sýslumaður í Vestmannaeyjum: „Vestmanneyjar eru tilvalin vettvangur fyrir tilraunaverkefni sem þetta þar sem boðleiðir eru stuttar og aðeins eitt sveitarfélag í lögsagnarumdæmi lögreglu og sýslumanns. Við höfum þegar hafið störf og fundum reglulega í Vestmannaeyjum.“

Arndís Bára, Áslaug Arna og Andís Soffía
Share on facebook
Share on twitter
Share on linkedin
Share on google
Share on print
Elskar hrekkjavökuna og tekur þetta alla leið – myndband
Ör- hugvekja Landakirkju
Hvað þýðir ást? Svör 4 – 8 ára barna við því
Endurnýjun umferðarljósa Heiðarvegi/Strandvegi
Rafræn foreldraviðtöl gengu vel – 95% foreldra ánægð með fyrirkomulagið
Örhelgistund frá Landakirkju – myndband

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X