Hið árlega Guðlaugssund fór fram í Vestmannaeyjum þann 11. mars síðastliðinn til minningar um frækið björgunarafrek Guðlaugs Friðþórssonar sem synti um 6 kílómetra leið í land eftir sjóslys fyrir tæplega 40 árum.
Guðlaugur synti til lands eftir að Hellisey VE 503 sökk austan við Heimaey að kvöldi 11. mars 1984. Fjórir menn fórust í slysinu.
Sonja Andrésdóttir fer á hverju ári og syndir Guðlaugssundið í sundlaug Vestmannaeyja til minningar um atburðinn. Hún mætti kl. 04 um nóttina og var að klára rétt fyrir 7. Hún sagðist vita til þess að fleiri hefðu synt sem mættu klukkutíma síðar og einhverjir sem skiptu vegalengdinni á milli sín.
Afhverju að synda Guðlaugssundið á hverju ári?
Þetta er ákveðin áskorun og fara út fyrir rammann.
Mér finnst skipta máli að halda minningunni á lofti því sem Guðlaugur afrekaði.
Hversu oft í viku syndirðu?
Ég syndi einu sinni á ári og tek þá 6 km eða 240 ferðir.
Hvernig heldur þú þér í formi?
Ég er í dugnaði og mæti þangað ca. þrvisvar í viku og svo reynum við félagarnir að hlaupa saman (ég og hundurinn) 2x í viku. Það er svo frábært að vera hjá stelpunum í Dugnaði og þetta er hreyfing sem ég hef fundið mig í. Þetta er eitthvað sem er fyrir alla.
