Sundfélagið keppti um helgina á Vormóti Fjölnis í Laugardalslauginni. Krakkarnir stóðu sig frábærlega og voru bætingar og framfarir á hverju strái! Einnig var rúllað inn lágmörkum á AMÍ (Aldursflokka meistaramót Íslands) sem haldið verður á Akureyri í júní og erum við gríðarlega spenntar fyrir því, segir Svanhildur á vefsíðu sundfélagsins.
Eva Sigurðardóttir náði inn lágmarki í 100m bringusundi á tímanum 01:36,45 og í 200m bringusundi á tímanum 03:29,23. Einnig vantaði sáralítið upp á lágmörk í 100 og 200m skriðsundi, sem kemur vonandi inn á næstu mótum hjá okkur.
Vala Dröfn Kolbeinsdóttir keppti einungis í einu sundi um helgina og náði þar inn auðvitað einu lágmarki í 200m skriðsundi á tímanum 03:20,63 og vantar lítið upp á lágmark í 100m skriðsundi sem hún tekur vonandi á næstu mótum.
Arna Gunnlaugsdóttir gerði sér lítið fyrir og nældi sér í 3 lágmörk um helgina. 200m skrið á tímanum 03:16,16, 200m bringusund á tímanum 03:46,53 og 100m bringusund á tímanum 01:45,61.
Aðrir sundmenn stóðu sig frábærlega og jöfnuðu eða bættu alla tímana sína og með þessum áframhaldandi bætingum og metnaði, munum við ná inn fleiri sundmönnum með okkur á AMÍ sem er gleðilegt tilefni.
Frábær árangur hjá frábærum krökkum.
