Borðað til góðs
Pétur Steingrímsson og Gunnar Heiðar Gunnarsson hafa staðið að skemmtilegum kvöldverði síðustu átta ár en alls í sjö skipti þar sem ekki var hægt að halda kvöldið í fyrra vegna covid. Kótilettukvöldið hefur alls gefið af sér tæpar þrjár milljónir til góðgerðarmála hér í Vestmannaeyjum. Í ár fengu Krabbavörn Vestmannaeyja að njóta ágóðans sem var átta hundruð þúsund krónur. Virkilega vel gert hjá þeim.
Pétur og Gunni vilja koma innilegu þakklæti til allra sem tóku þátt og borðuðu til góðs.
,,Kótilettukvöldið hefði ekkert orðið og verður ekkert án ykkar.”
Sérstakar þakkir fá: Einsi Kaldi, Svanur og Daníel Geir, rekstraraðilar Hallarinnar, Jóhannes Egilsson/Egilssonar, Kata Laufey og Lind á Tígli, Eyjablikk, Vélaverkstæðið Þór, Grétar Þórarinsson, Gröfuþjónusta Brinks, Hraunhús Vestmannaeyjum, Miðstöðin og Rótarýklúbbur Vestmannaeyja.
Sjáumst vonandi öll að ári segir Pétur að lokum.
Fyrir hönd Krabbavörn Vestmannaeyja, þakka ég innilega fyrir mjög svo veglega gjöf.
Við búum í mögnuðu samfélagi það er ekki hægt að segja annað. Stjórn Krabbavarnar þakkar öllum þeim sem komu og borðuðu til góðs. Kæru Vestmannaeyingar, Pétur og Gunni hafið innilega þökk fyrir allan þann hlýhug og vinsemd til Krabbavarnar, sem skilar sér til þeirra sem leita til okkar.
Sigurbjörg Kristín Óskarsdóttir, formaður Krabbavarnar
