14.02.2020 kl 00:30
Einar Sveinbjörnsson veðurfræðingur segir á facebooksíðu sinni rétt í þessu:
Klukkan 05 í fyrramálið er spáð 110 hnúta vindi (~55 m/s) í 1.000 metra hæð undan Suðurlandi. Þetta má sjá á DMI/IGB spákorti fyrir 850 hPa þrýstiflötinn sem gefið var út í kvöld.
Einstaka sinnum hef ég séð rétt svo spáð tvíflöggun, en heilt strik til viðbótar því held ég varla á síðustu árum a.m.k.
Þetta er nærri Vestmannaeyjum hætt er við að allt fari á hvolf í Eyjum í orðsins fyllstu merkingu ef þetta gengur eftir.
Skyldi meðalvindurinn á Stórhöfða ná 40-45 m/s um svipað leyti snemma í fyrramálið?
10. desember 2019 mældust 40 m/s í NV átt og þótti ægilegt rok í Eyjum. Mesti meðalvindur á Stórhöfða er hins vegar frá stórviðrinu 3. febrúa 1991 – 56,6 m/s.
Rétt er að hafa í huga að þokkalegt skjól er í bænum þegar er A-átt og mun lægri gildi vinds á mæli þar samanborið við Höfðann.
*Kortið er fengið af Brunni Veðurstofunnar
