Stjörnuleikurinn 2021 var haldinn með pompi og prakt á laugardaginn var og vakti mikla gleði og kærleik í aðdraganda jóla, nú sem endra nær.
Hérna er hlekkur inn á útsendingu frá leiknum fyrir þá sem misstu af þessari veislu: smelltu hér
Eins og venjulega er um að ræða styrktarleik en að þessu sinni rennur allur ágóðinn óskiptur til Krabbavarnar í Vestmannaeyjum sem er málefni sem snertir okkur öll á einn eða annan hátt.
Við viljum þakka öllum kærlega fyrir sem hjálpuðu okkur við leikinn og sem þegar hafa styrkt málefnið.
Við aðstandendur og þáttakendur leiksins viljum biðla til ykkar og vildum sjá hvort við sæuð ykkur fært að styrkja málefnið og hjálpa okkur þannig að styðja enn frekar við bakið á Krabbavörn.
Áhugasamir geta lagt inn á eftirfarandi reikning og munum við svo koma styrknum í réttar hendur þegar allt er saman komið:
Reikningur: 582-26-5344
Kennitala: 680197-2029
Fyrir hönd Stjörnuleiksins 2021,
Grétar Þór Eyþórsson
formaður handknattleiksdeildar ÍBV
Greint er frá á facebooksíðu ÍBV handboltans og myndir eru einnig þaðan.
