Starfsfólk Sea life Trust: Lína Katrín Þórðardóttir

Síðasta ár fórum við í að kynna starfsfólkið á bakvið Beluga Whale Sanctuary, heimili þeirra Litlu Grá og Litlu Hvít. Við höldum áfram og kynnumst síðustu starfsmönnunum.

Starf:
Markaðs- og samfélagsmiðlastjóri

Hvaðan ertu:
Vestmannaeyjum

Hvað ertu búin að starfa lengi hjá Beluga Whale Sanctuary:
síðan ágúst 2021

Hver er eftirminnilegasti starfsfélaginn sem þú hefur haft:
Ómögulegt að velja bara einn, þetta er svo stór og fjölbreyttur hópur sem hefur margt ólíkt uppá að bjóða en þó er mikil samheldni innan hópsins. Þetta er ótrúlega skemmtilegur vinnustaður og stór hluti þess er hve skemmtilegt starfsfólkið er

Hvernig er venjulegur dagur hjá þér:
Allir dagar byrja á kaffibolla og að fara yfir tölvupóstinn. Annars er mikið um fundi, bæði við fólk hérlendis og erlendis, ræða við samstarfsfólk og svara símtölum og senda tölvupósta.
Flesta daga bý ég líka til efni fyrir samfélagsmiðlana okkar, við erum með Facebook, Instagram og TikTok þar sem við setjum út efni nokkrum sinnum í viku þannig það fer mikill tími í að finna hvað gæti verið skemmtilegt og fræðandi og svo auðvitað að taka upp efnið sjálft.

Hvað er skemmtilegasti parturinn af starfinu:
Persónulega finnst mér frelsið sem ég hef það besta við starfið. Það er tekið vel í alla sköpunargáfu og nýjar hugmyndir og mér gefið frelsi til að þróa þær eins og ég vill. Svo er það auðvitað að hitta alla samstarfsfélagana, dagurinn er ótrúlega fljótur að líða þegar maður vinnur með vinum sínum

Eftirlætis dýrið sem þú hefur unnið með:
Uppáhaldið mitt er hann Moli langvían okkar. Þegar ég var að vinna dýravaktir með lundunum vildi hann alltaf koma og kúra í hálsakotinu á mér og er mikið fyrir að fá klapp og klór

Sturluð staðreynd um mjaldra:
Þeir læra og herma eftir hljóðum í umhverfinu.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search