- Bæjarfjölmiðillinn í Vestmanneyjum -

Stafrænn samningur um breytt lögheimili barns og meðlag

Foreldrar geta nú gert með sér stafrænan samning um breytt lögheimili barns og um leið breytta tilhögun meðlags. Öll afgreiðsla málsins er stafræn og foreldrarnir undirrita samninginn um breytta högun með rafrænni undirritun, hvort fyrir sig.

Foreldrar sem eru sammála um lögheimilisflutning barns geta nýtt sér þessa stórbættu þjónustu sýslumanna sem er aðgengileg á Ísland.is. Ferlið er stafrænt frá upphafi til enda og berst staðfesting sýslumanns foreldrum í pósthólf þeirra á Ísland.is að málsmeðferð lokinni. Þannig geta foreldrar gengið frá lögheimilisskráningu barnsins án þess að þurfa að mæta á skrifstofu sýslumanns eða afla gagna fá öðrum stofnunum.

Þetta verkefni er stór áfangi í stafrænni málsmeðferð á vegum hins opinbera og sýnir að við getum bætt okkar þjónustu til muna. Vonandi getum við heimfært þetta á sem mest af þeirri þjónustu sem almenningur sækir til hins opinbera. Stafræn viðmót sem þessi draga úr þörf á heimsóknum til stofnana ríkisins, stytta afgreiðslutíma, minnka umferð og draga úr kostnaði“, segir Áslaug Arna Sigurbjörnsdóttir, dómsmálaráðherra.

Þetta eru mikil tímamót því sýslumenn hafa hingað til ekki getað boðið fólki að gera samning sín á milli sem berst sýslumanni stafrænt til staðfestingar. Þetta ferli verður grunnur að frekari þróun stafrænna samninga t.d. um forsjá, meðlag, menntunarframlag og fleira“, segir Kristín Þórðardóttir, formaður Sýslumannaráðs.

Stafrænt Ísland hefur unnið gríðarlega undirbúnings- og rannsóknarvinnu vegna þessa verkefnis og við höfum átt mjög gott samstarf við sýslumenn. Við bindum vonir við að þetta sé einungis fyrsta verkefnið af mörgum af þessu tagi, þar sem okkur tekst að einfalda líf fólks með stafrænu ferli“, segir Andri Heiðar Kristinsson, framkvæmdastjóri Stafræns Íslands.

Umsókn fyrir foreldra með sameiginlega forsjá um breytt lögheimili barns og meðlag má finna á Ísland.is.
https://island.is/breytt-loegheimili-barns

Þjónusta sýslumanna hefur tekið stakkaskiptum síðasta árið hvað varðar stafrænt viðmót fyrir viðskiptavini. Nú er í boði fjöldi stafrænna umsókna og auknir möguleikar á stafrænni málsmeðferð og stafrænar sendingar og móttaka gagna sem áður þurfti að koma með í pappírsformi á sýsluskrifstofu eða senda í pósti.
Stafræn þjónusta ríkisins er ávallt aðgengileg hjá Stafrænu Íslandi á Ísland.is

Forsíðumynd: Halldór B. Halldórsson.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is