- Bæjarfjölmiðillinn í Vestmanneyjum -

Staðfest afstöðuleysi um hraunið

Það voru okkur vonbrigði hvernig núverandi meirihluti lágmarkar viðbrögð sín við spurningum um framtíð hraunsins. Á myndinni má sjá hluta hraunsins sem verður mokað burt

Hvort sem um var að ræða hluta af kosningastefnu eða feimni þá ákváðu þeir flokkar sem mynda núverandi meirihluta að vera algerlega án afstöðu um það álitaefni að moka burt fallegum hluta hraunsins. Þessa umræðu settum við af stað á eyja- og samfélagsmiðlum og fór hún víða. Aðeins einn flokkur brást við greininni okkar með nokkuð skýrum hætti.

Skemmtileg viðbrögð en færslunni eytt

Í greininni komum við fram með málefnalega gagnrýni á áform bæjarstjórnar að moka burt hrauninu fyrir fjölbreyttar lóðir og stækkun miðbæjarins. Voru okkar helstu rök þau að kostnaðurinn yrði of mikill, nærliggjandi starfsemi (fiskimjölsverksmiðja) passi ekki við þessa tegund byggðar, nægt rými og tækifæri væru til að gera núverandi miðbæ enn betri og, það sem okkur þykir einna mikilvægast, vernd og virðing fyrir náttúrunni og sögu Eyjarinnar. Ýmis viðbrögð komu fram hjá Eyjaskeggjum og fólki sem býr uppi á landi sem kýs að moka hrauninu burt og vorum við ánægð með það. En okkur þótti mjög leitt að sjá að færslunni, sem við deildum í mjög vinsælum hópi Eyjamanna á samfélagsmiðlinum Facebook, var eytt fyrir nokkrum dögum. Sambærileg færsla áhugamanns um að moka þessum hluta hraunsins í burtu fékk að lifa.

Snýst ekki pólitík um að taka afstöðu? Við þurftum að lesa á milli línanna

Annar flokkurinn sem myndar meirihluta í bæjarstjórn telur „umræðuna ekki vera farna af stað“ (og gerði ekkert til að hefja hana). Hinn flokkurinn vill stíga varlega til jarðar. Fengust þessi svör þegar þeim var stillt upp við vegg á opna framboðsfundinum í Eldheimum. Minnihlutinn ætlar ekki að moka hrauninu burt á næsta kjörtímabili. Ekki er hægt að túlka svör meirihlutans og aðgerðir öðruvísi en að barist verði fyrir því að hrauninu verði mokað burt ef aðstæður leyfa. En betra hefði verið að flokkarnir tveir hefðu einfaldlega sagt kjósendum það. 

Við lýsum yfir vonbrigðum með afstöðuleysi meirihlutans í bæjarstjórn, sem hóf þessa stóru vegferð um óafturkræfa skemmd á þessum fallega hluta hraunsins, nú þegar korter er í fyrstu sveitarstjórnarkosningar hjá flestum þeim sem hér skrifa undir. 

Aníta Lind Hlynsdóttir 

Anna María Lúðvíksdóttir

Arnar Freyr Ísleifsson

Birta Sól Sæþórsdóttir

Breki Einarsson

Elísabet Guðnadóttir

Eva Sigurðardóttir

Eydís Ósk Þorgeirsdóttir

Guðfinna Dís Sveinsdóttir 

Helgi Birkis Huginsson

Jóhanna Björg Bjarnadóttir 

Jón Ævar Hólmgeirsson

Klara Örvarsdóttir

Kristín Inga Þorvaldsdóttir

Marcin Kazimierz Zaborski 

Melkorka Mary Bjarnadóttir 

Ragnheiður Sigurðardóttir

Saga Tórshamar

Salka Sól Örvarsdóttir 

Sigurlaug Margrét Sigmarsdóttir 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is