Herjólfur kata

Staðan er óásættanlega í samgöngumálum við Vestmannaeyjar

Samgöngur voru til umræðu á fundi bæjarráðs fyrir helgi eins og svo oft áður.
Siglingar Herjólfs til Landeyjahafnar hafa verið afar stopular frá því í október og þá fyrst og fremst vegna dýpis við hafnarmynni og í höfninni sjálfri. Þá hefur þurft að sigla til hafnarinnar á háflóði þegar önnur skilyrði eru til staðar. Öllum er ljóst að höfnin er ekki sú heilsárshöfn sem lofað var á sínum tíma. Það er því nauðsynlegt að rannsóknir verði kláraðar og höfnin verði löguð þannig að hún þjóni sínu hlutverki allt árið um kring. Þolinmæði bæjarbúa gagnvart sjósamgöngum í vetur er á þrotum.

Bæjarráð telur stöðuna óásættanlega í samgöngumálum við Vestmannaeyjar. Algjört ráðaleysi af hálfu ríkisins einkennir það verkefni að tryggja að Landeyjarhöfn sé heilsárshöfn. Bæjarstjóri hefur fyrir hönd bæjarráðs, óskað eftir því að fá innviðaráðherra og vegamálastjóra, að mæta á íbúafund til Eyja í janúar til að fara yfir þá stöðu sem uppi er og þær lausnir og framkvæmdir sem eigandi hafnarinnar sér fyrir sér á komandi árum.

„Bæjarstjóra er falið að óska eftir upplýsingum frá Vegagerðinni um það hvort og hvernig Björgun sé að standa skilyrði útboðs vegna dýpkunar í ljósi þess hve illa hefur gengið að dýpka höfnina undanfarna mánuði.

Bæjarráð skorar á þingmenn kjördæmisins og aðra sem valdið hafa að tryggja að löngu tímabærar endurbætur verða gerðar á höfninni og felur bæjarstjóra og koma niðurstöðu ráðsins á framfæri við þá sem málið varðar.

Þá ítrekar bæjarráð þá kröfu um að flugferðum milli lands og Eyja verði fjölgað verulega á meðan höfnin virkar ekki sem skildi.“ segir í fundargerð

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search