1.557 greindust með kórónuveiruna innanlands í gær, að því er fram kemur í bráðabirgðatölum frá almannavörnum. Er um metfjölda smita innanlands að ræða en áður var mesti fjöldinn 839 smit, sem greindust í fyrradag.
Í Vestmannaeyjum eru 66 í einangrun og 129 í sóttkví en áður voru 57 í einangrun og 128 í sóttkví svo þeir sem eru að bætast í hóp smitaðra hafa verið í sóttkví þar sem sóttkví tölurnar standa nánast í stað.
Alls greindist 1.601 með veiruna en þar af voru 44 landamærasmit.
Alls voru 731 í sóttkví. Í dag eru 7.585 í einangrun og 6.424 í sóttkví á öllu landinu.
Fjöldi PCR sýna sem tekin voru í gær kemur fram á covid.is þegar heimasíðan verður uppfærð nk. mánudag. Eins og áður þá teljast þessar tölur sem sendar eru út um hátíðisdagana, sem bráðabirgðatölur, segir í tilkynningu.
