the puffinrun

Skráning hafin í eitt skemmtilegasta hlaup ársins

The Puffin Run – Heimaeyjarhringurinn fer fram í Vestmannaeyjum þann 8. maí 2021 kl. 12:30

Vestmannaeyjar eru stærsta lundabyggð í heimi og er tímasetning hlaupsins í ár miðuð við að lundinn sé sestur upp í björgin.

Hluti leiðarinnar er meðfram lundabyggð.

Skráning er hafin inn á hlaup.is 

Skráningin fer vel af stað og eru nú þegar 320 manns búnir að skrá sig í dag 10.janúar.

Við skorum á þá sem ætla að vera með að skrá sig sem fyrst.
Vegalengd
Einstaklingshlaup: 20 km
Tveggja manna sveit karla, kvenna eða blönduð: 2×10 km
Fjögurra manna sveit karla, kvenna eða blönduð: 4×5 km
Skráning og gagnaafhending
Forskráning er á hlaup.is til kl. 22:00 fimmtudaginn 6. maí.

 

Í boði verður einstaklingskeppni í karla- og kvennaflokki sem og boðhlaup 2 og 4 manna í karla-, kvenna-, og blönduðum flokki. Hlauparar geta þá hlaupið 2*10 km eða 4*5 km.

Skráningargjaldið er 4.000 kr á mann, hvort sem hlaupari tekur þátt í einstaklingskeppninni eða boðhlaupinu.

Gögn verða afhent í Leturstofunni, Strandvegi 47 á föstudeginum kl. 17:00 – 20:00. Mikilvægt er að heimamenn sæki gögnin sín þá. Þeir sem koma samdægurs fá gögnin sín á Skansinum í húsinu Landlist.

Verðlaun
Verðlaun fyrir fyrstu þrjá karla og konur í einstaklingskeppninni. Verðlaun fyrir fyrsta sæti í tvímennings og fjögurra manna sveit karla, kvenna og blandaðri.

Rásmarkið og startið í hlaupinu
Rásmark verður við virkið á Skansinum. Bílastæði eru austan við Fiskiðju.

Þeir sem eru að fara seinni parta hlaupsins fá akstur frá Skansinum að skiptistöð. Óskað er eftir að þeir sem eru búnir að hlaupa fyrri hluta, hlaupi með liðsfélaganum í mark þar sem ljósmyndarar verða á staðnum.

Annað
Þátttakendur komast í sturtu í Sundlaug Vestmannaeyja eftir hlaup.

Hlaupaleið
Hlaupið er frá Skansinum til vesturs.

Framhjá FES og út Ægisgötu og Tangagötu.

Inn á Skipasand og þaðan inn á Strandveg.

Vestur Strandveg, upp Hlíðarveg og inn í Herjólfsdal.

Hlaupið er hringinn í kringum Tjörnina.

Þaðan er hlaupið framhjá Kaplagjótu, Mormónapolli og til suðurs með Hamrinum.

Upp á Breiðabakka þar sem hlaupið er inn á veginn.

Hlaupið er á veginum upp að Stórhöfða og beygt til vesturs göngustíginn að Lundaskoðunarhúsinu.

Hlaupið meðfram og í lundabyggðinni vestur og suður Stórhöfðann.

Frá Kaplapitti er hlaupið upp að húsinu og inn á veginn.

Hlaupið á veginum niður Stórhöfða yfir eiðið milli Klaufar og Brimurðar.

Beygt inn Kinn og hlaupið meðfram Sæfelli.

Alveg út veginn og síðan beygt til austurs og farið meðfram flugbraut og út fyrir flugbrautarenda að austan.

Þaðan niður með brúninni og með henni þar til að komið er inn á slóða.

Hlaupið á Slóðanum að Eldfelli og farið framhjá Páskahelli.

Farið meðfram Eldfelli að austan nánast að krossinum inn við Eldfellsgýg.

Síðan er hlaupið á malarveginum á Nýja Hrauninu til austurs og síðan norðurs.

Niður að gatnamótum, þá er beygt til austurs og hlaupið stutta vegalengd á veginum.

Niður á útsýnispall hjá Viðlagafjöru, þar sem útsýni er að Bjarnarey, Elliðaey og Eyjafjallajökli.

Frá honum er farið áfram til norðurs og farið grýtta leið meðfram Gjábakkafjöru sem endar upp á útsýnispalli móts við Klettshelli.

Hlaupið er þaðan niður í Skansfjöru framhjá Stafkirkjunni og Landlyst þar sem hringnum er lokað.

Share on facebook
Share on twitter
Share on linkedin
Share on google
Share on pinterest
Sjósund í Höfðavík í dag – myndir og myndband
Gleðilegt ár frá Landakirkju
Yndisleg helgistund frá Landakirkju
Jólaminning – skemmtilegar heimildir frá því að fyrsta jólatréið var sett upp
Jól í nýju landi-Rúmenía
Frábær jólastemning í bænum í gærkvöldi – myndir

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:
  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is