Þriðjudagur 5. desember 2023

Skólastarfið í máli og myndum í leikskólanum Sóla það sem af er árinu 2021

Á vef Vestmannaeyjabæjar er flott innlit á leikskólan Sóla sem við deilum hér með ykkur:

Við fengum þær á Sóla til þess að segja okkur aðeins frá starfinu sínu.

Í janúar ár hvert gefum við okkur tíma til að ræða eldgosið 1973 á Heimaey, við fáum alltaf jafn góðar móttökur þegar við heimsækjum Eldheima.
Sjálfbærni hvers kjarna felst m.a. í því að þrífa kjarnann sinn hátt og lágt og það gera allir kjarnar einu sinni í mánuði.
Í hópatímum sem eru tveir á dag á Sóla uppfylla kennarar Kynjanámskrá Hjallastefnunnar sem og Aðalnámskrá leikskóla, kennsla fer fram jafnt úti sem inni og læsi og stærðfræði taka þar sinn tíma því við tökum hlutverk okkar alvarlega þegar kemur að því að byggja sterkan grunn fyrir framtíðina í þeim málum.
Við erum ekkert öðruvís en aðrir þegar kemur að bolludegi, sprengidegi og öskudegi. Þetta eru bara dagar sem er mjög skemmtilegt að taka þátt í. Börnin búa til bolluvendi sem þau fara með heim fyrir helgina, einn drengjakjarninn saumaði sér búninga sem heppnaðist einstaklega vel og svo var bara gleði og gaman á öskudeginum þegar við mættum öll í búningum.
Fuglaveitingahús, einn drengjahópur hefur í nokkurn tíma verið að vinna verkefni með kennara sínum tengt fæðu fugla. Þeir fóru í eldhúsið og fengu kornflex, cheerios, perur, döðlur, fuglamat, múslí, hafragraut, brauð og appelsínur. Þeir hafa svo verið að setja mat á fjóra staði á sjúkrahúslóðinni, svo fara þeir upp í brekku og fylgjast með. Þeir fuglar sem hafa verið að mæta eru starri, dúfur og snjótittlingar. Snjótittlingum finnst t.d. gott að fá kornflex en ekki cheerios, dúfurnar vilja helst fuglamat en starrinn borðar fjölbreyttar. En fuglar vilja samt ekki döðlur, perur eða appelsínur svo eitthvað sé nefnt.
Loðnu landað í eyjum, það er fagnaðarefni, Sólapabbi kom og færði okkur nokkrar loðnur til að skoða.
Dagur leikskólans 6.febrúar, mynlistasýning í gluggum leikskólans.
Vettvangsferð, litlir drengir skoða stórvirkar vinnuvélar.
Hvað er betra en að eiga góða vini sem hugga þegar einhver meiðir sig?

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is