Skinkuhorn

Girnilega uppskrift af skinkuhornum. Tilvalið að prófa í páskafríinu.

Hráefni:

Skinkuhorn

400 ml mjólk

12 g þurrger (1 pk)

1 msk sykur

100 ml olía

1 tsk salt

660 g brauðhveiti (Blátt Kornax)

Fylling

200 g skinka

250 g smurostur, skinkumyrja

Rifinn Mozzarella ostur

Deig

Hitið mjólkina þangað til hún er ylvolg, í örbylgjuofni eða potti. Setjið í hrærivélarskál og bætið þurrgerinu saman við, hrærið létt saman. Leyfið því að standa örlítið meðan þið takið hin hráefnin saman. Bætið þá restinni af hráefnunum saman við og hrærið með krók á lágri stillingu í 3-4 mín.

Takið deigið sem hefur fest við krókinn af og takið deigið í hendurnar á ykkur og hnoðið í kúlu.

Setið deigið aftur í skálina og rakt viskastykki yfir.

Leyfið deiginu að hvíla í minnst 1 klst.

Fylling

Skerið skinkuna niður í ferninga og blandið saman við smurostinn.

Aðferð

Takið deigið og setjið á hveitistráð borð og skiptið því upp í tvennt. Takið annan helminginn og fletjið út hring sem er um það bil 5 mm á þykkt. Skerið síðan deigið í 16 þríhyrninga.

Setjið u.þ.b. eina teskeið af fyllingu á hvern þríhyrninn og setjið á breiðari endann. Gott að setja smá rifinn ost til að gera extra djúsí. Til að rúlla þeim upp, tosið aðeins í hornin sitthvoru megin við fyllinguna, lokið fyllinguna inni með deiginu og rúllið upp. Tosið í mjóa endann til að fá brotið í þeim til að enda undir horninu. Leggið hornin á bökunarpappír og látið mjóa endann snúa niður og hafið gott bil á milli þeirra.

Passið að fyllingin sé lokuð inni í deiginu svo hún renni ekki út um allt þegar þau fara inn í ofn. Leyfið þeim að hefast í 20-30 mín. Endurtakið með hinn helminginn af deiginu. Kveikið á ofninum og stillið á 200°C blástur. Setjið smávegis mjólk í glas og penslið yfir hornin til að fá fallega áferð á þau. Setjið rifinn ost ofan á hvert horn. Bakið hornin í 10 mín eða þangað til þau eru orðin gullinbrún.

 

Uppskrift og mynd frá gottimatinn.is

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search