Á morgun, laugardaginn 23. október kl. 13-16, verður opið á Bókasafninu
Verkefnið Kveikjum neistann! verður kynnt í Einarsstofu af Hermundi Sigmundssyni prófessor og Svövu Þ. Hjaltalín sérkennara. En það er skólaþróunarverkefni sem Grunnskólinn í Vestmannaeyjum vinnur að næstu 10 árin.
Helsta áhersla verkefnisins er að stórauka lestrarfærni barna og ungmenna, einnig er unnið með aðra þætti.
Hlutverk foreldra er þar mikilvægt sem og aðgengi að fjölbreyttu lesefni, þar koma skólabókasöfnin og Bókasafn Vestmannaeyja sterk inn.
Skemmtileg dagskrá verður í boði:
- Frábær sýning opnuð í Einarsstofu þar sem leikskólabörn frá Kirkjugerði sýna afrakstur listsköpunar sinnar.
- Spennandi ratleikur í Sagnheimum.
- Hrekkjavökuföndur í lesstofunni.
- Kynning á litamerkingum í barna- og ungmennadeild. Markmið þeirrar vinnu er að auðvelda foreldrum og börnum þeirra að finna réttu bókina – sem vekur áhuga og eykur getu.
- Hræðilegar hrekkjavökuskreytingar á Bókasafninu!
- Kaffi, safi og smákökur í boði fyrir öll að njóta.
Verið öll hjartanlega velkomin!
