Sjúkraflug til og frá Íslandi – Leiguflugið ehf / Air Broker Iceland

Sjúkraflug er gríðarlega mikilvægur þáttur í heilbrigðiskerfinu fyrir Íslendinga á erlendri grundu sem komast þurfa hratt og örugglega undir læknishendur hér heima og ekki geta farið í áætlunarflugi. Einnig eru fjölmörg flug frá landinu bæði með erlenda aðila sem veikst eða slasast hafa hér á landi eða með Íslendinga sem þurfa að komast í sérhæfðar aðgerðir eða læknisþjónustu erlendis. Því er nauðsynlegt að sjúklingar, aðstandendur og heilbrigðiskerfið allt hafi aðgang að sérþekkingu í sjúkraflugi og sérútbúnum vélum sem eru til taks allan sólarhringinn.

Leiguflugið ehf / Air Broker Iceland býður upp á sjúkraflugsþjónustu frá símtali til lendingar ásamt því að aðstoða við sjúkraflutning á jörðu niðri frá flugvél á spítala. Félagið hefur aðgang að fjölda flugvéla út um alla Evrópu og getur útvegað sjúkraþotu með læknateymi um borð á mjög skömmum tíma. Um er að ræða aðila sem sérhæfa sig í sjúkralugi út um allan heim og er sérhæft heilbrigðisstarfsfólk ávallt um borð.

Til að mynda sótti Leiguflugið ehf / Air Broker Iceland sjúkling, á dögunum, til Alicante sem þurfti að komast undir læknishendur hér á Íslandi. Um var að ræða sérhæfðan sjúkraflutning og sendi félagið sérútbúna þotu, með læknateymi um borð, til að sækja sjúkling og aðstandenda. Gekk flutningur þessi eins og í sögu og var lent á Reykjavíkurflugvelli í blíðskapar veðri aðeins rúmum 4,5 klst eftir flugtak frá Alicante. Fulltrúar Leiguflugsins ehf / Air Broker Iceland, ásamt aðstandendum, tóku á móti vélinni. Aðstandendur sjúklings voru hrærðir við lok ferðar og fengu Air Broker menn þétt faðmlag að ferð og þjónustu lokinni. Að loknum verkefnum sem þessum er þakklæti efst í huga og frábært að geta aðstoðað samlanda sína, sem og aðra, í aðstæðum sem enginn vill lenda í. Aðstandendur þessa tiltekna flugs sögðu orðrétt „Mikilvægast af öllu var að finna hvað við vorum í öruggum höndum allan tímann“

Þegar koma þarf á sjúkraflugi milli landa, til og/eða frá Íslandi, þá er mikilvægt að sjúklingur sé settur í fyrsta sæti. Gerð sjúkravéla, flugtími, aðbúnaður um borð (sjúkrbörur, vinnurými, tækjabúnaður, salerni ofl), samskipti við aðstandendur og heilbrigðisstarfsólk ásamt fjölda annarra þátta skiptir gríðarlegu máli. Það er því í mörg horn að lýta og má ekki slá af kröfum á neinn hátt þegar sjúkraflug er annars vegar. Það er sjúklingurinn sem þarf á gæðum og góðri þjónustu að halda ásamt því að komast hratt og örugglega á leiðarenda.

Ásgeir Örn.

Á myndinni er Ásgeir Örn Þorsteinssonvið móttöku á sjúkravél á vegum félagsins eftir lendingu í Reykjavík fyrr í vikunni.

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search