Miðvikudagur 5. október 2022
Sjómynd Kristján Birkirsson

Sjómenn – yfirheyrsla

Nafn: Ellert Scheving Pálsson
Aldur: 33 ára
Fjölskylda: Ég er giftur Sólveigu Rut Magnúsdóttur við eigum átta ára dreng, Daníel Gauta Scheving.
Hvar ertu að róa: Vestmannaey VE 54
Hvaða stöðu gegnir þú: Ég er háseti
Hvar og hvenær hófst sjómannsferillinn: Ég fór fyrsta túrinn 15 ára á gömlu Heimaey með sögulegri áhöfn, allir Nínon bræðurnir og Siggi Frikka kokkur. Ferillinn hófst þó fyrir alvöru á Suðurey árið 2014.
Eftirminnilegasti sjómaður:
Ég hef nú verið ósköp heppinn og fengið að róa með mörgum eftirminnilegum. Á Suðurey voru Bjöggi Perla sem var afar skemmtilegur, bæði um borð og annarsstaðar, og Siggi Konn sem er harður að utan en ósköp ljúfur að innan. Síðustu ár hef ég fengið að róa með afleysingaþernunni Valtý Auðbergssyni sem er reglusmiður og sælkeri. Það er einstakt að róa með honum. Vægast sagt.
Mesta fíflið: Á Vestmannaey eru engin fífl, menn eru bara mismunandi eins og þeir eru margir. Hvað varðar fíflagang þá getur Valtýr Auðbergsson dottið í Tomma Kung Fu og allskonar vitleysu sem verður ekki talin upp hér.

 

Nafn, aldur og fjölskylda: Þorbjörn Víglundsson 46 ára, giftur, fjögurra barna faðir.
Hvar ertu að róa og í hvaða stöðu: Er að róa á Brynjólfi VE sem stýrimaður.
Hvar og hvenær hófst sjómannsferillinn: Ég fór fyrst á sjó sumarið 1990 á Ófeigi VE 325.
Eftirminnilegasti sjómaður:
Eftirminnilegasti sjómaðurinn sem ég hef róið með er Beddi á Glófaxa.
Mesta fíflið: Ég tek þann vafasama heiður að vera mesta fíflið um borð. Fýlupúkar eiga ekki að vera á sjó, þetta er nógu leiðinlegt án þeirra.
Eftirminnilegasti túrinn: Það er sennilega þegar ég var um borð í Guðmundi VE 29 að frysta kolmuna 480 sml suður af Eyjum. Lenti í því óhappi að reka hníf á kaf í fótinn á mér. Fékk svo flugferð með gæslunni í bæinn.
Voða næs.

Forsíðumynd: Kristján Birkirsson

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is