Nú er búið að koma upp fimm sjálfsafgreiðslukössum í Bónus í Vestmannaeyjum sem teknir voru í notkun í gær. „Ég er alveg hæstánægður með viðtökurnar og heyri frá fólki að það er almennt mjög ánægt að vera komin með þessa viðbót hjá okkur. Þetta er algjör snilld fyrir viðskiptavini sem eru með fáa hluti og á hraðferð að geta skellt sér á kassana og klárað sitt og hlaupið út á stuttum tíma í stað þess að standa í röð. Ég fékk nokkra viðskiptavini sem prófuðu þetta í fyrsta skipti sem sögðust hafa verið smeyk að prófa en voru mjög ánægð hvað þetta gekk hratt fyrir sig. Að sjálfsögðu verða svo gömlu kassarnir áfram með starfsmönnum. Þetta breytir því líka að við erum núna komin með 8 kassa í heildina í stað 5 sem gerir mikið gagn á álagstímum“, sagði Jobbi í samtali við Tígul.
Jósef Róbertsson (Jobbi) verslunarstjóri Bónus.
