Sigurgeir með nýja bók | Tígull.is - Fréttir og viðburðir í Vestmannaeyjum
Sigurgeir og þríeykið

Sigurgeir með nýja bók

22.06.2020

Sigurgeir Jónsson frá Þorlaugargerði hefur verið iðinn á undanförnum árum að gefa út bækur sem tengjast mannlífi og staðháttum í Vestmannaeyjum.

Nú sendir hann frá sér nýja bók sem heitir Vestmannaeyjar – af fólki og fuglum og ýmsu fleiru. Þar kennir margra grasa en hvað fyrirferðarmest er þó upprifjun á æskuárunum fyrir ofan hraun og því fólki sem þar bjó. Einnig er greint frá samskiptum þeirra Sigurgeirs og Katrínar við fuglana í Gvendarhústúninu, tjald og stelk og fleiri fiðraða nágranna.

Þá fjallar Sigurgeir um fjóra eftirminnilega félaga á lífsleiðinni, Bjarnhéðin Elíasson, Sævar í Gröf, Ása í Bæ og Guðmund kantor. Ýmis sérkenni Vestmannaeyinga fyrr á tíð eru líka tíunduð hér, til dæmis vatnsbúskapurinn í Eyjum áður en vatnsleiðslan var lögð hingað og rifjaðar eru upp fyrstu vikurnar í eldgosinu 1973.

Sigurgeir greinir ennfremur frá nokkrum minnisstæðum atvikum í lífi sínu, svo sem sögulegu brúðkaupsferðalagi þeirra hjóna og eftirminnilegri eggjaferð í Súlnasker, einnig eru rifjaðar upp minningar frá skólaárunum í Reykjavík, þar á meðal er lýsing á jólahaldi á Kleppi, þar sem hann starfaði um hríð og svo þegar hann brá sér í hlutverk skáldsins Jóns Kára og fékk álit skálda og menningarvita á því hvort hann ætti að gefa út ljóðabókina Þokur.

Fyrstu eintök bókarinnar voru afhent á föstudaginn var og fékk þríeykið svonefnda, þau Þórólfur, Víðir og Alma, þau eintök sem viðurkenningu fyrir góða frammistöðu þeirra á undanförnum vikum. Bókin er komin í sölu í bókaverslunum en einnig verður sérstök kynning á henni á komandi goslokahátíð í Safnahúsinu og verður nánar tilkynnt um hana síðar.

Share on facebook
Share on twitter
Share on linkedin
Share on google
Share on print
Út í sumarið“ 67 ára og eldri
2 Þ nýttu kosningardaginn vel
KA Orkumótsmeistari 2020
Orkumótið – landsleikur, brekkusöngur og BMX Brós
ÍBV lagði FC Ísland í gær í frábærum leik – myndir
Orkumótið 2020 hófst í morgun – myndband

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X