Tígull heyrði aðeins í þeim ofur-köppum á Sigurði VE 15, en þeir eru að landa á Þórshöfn.
Eins og Finnsi Finns orðaði það „Erum að landa risa farm á Þórshöfn. Rúmlega 1600m3 af síld sem við fengum í þremur hölum. Einnig eru þeir með 50m3 af makríl en þeir fóru nokkra daga í Smuguna þar sem þeir nældu sér í þessi 50 áður enn þeir tóku strauið í síldina, en þeir fengu 1000m3 í síðasta hali hvorki meira né minna.
Já það er óhætt að segja að þeir séu ekkert annað en mjög glaðir eftir þennan sólarhring á síldarmiðunum.
Þeir kunna þetta alveg en þeir notuðu löndunar fríið í að fara veiða á stöng og náðu sér í þó nokkuð margar soðningar.
Algjörlega hoppandi kátir með veiðina sagði Finnsi Finns en þeir klára sennilega annað kvöld að landa. Og eins og sést á þessum myndum þá var ekki mikill tími til að taka myndir á meðan á veiðinni á síldinni stóð en þeir bættu það upp með að taka myndir í dag í löndunar fríinu og þeir lofa að bæta upp myndaleysið í næsta túr.
