Segir Ólaf Helga jafn ó­hæfan í Eyjum og á Suður­nesjum | Tígull.is - Fréttir og viðburðir í Vestmannaeyjum
Lögreglan

Segir Ólaf Helga jafn ó­hæfan í Eyjum og á Suður­nesjum

28.07.2020

Ólafur Helgi Kjartans­son hefur skamman frest til að á­kveða hvort hann fellst á þá á­kvörðun dóms­mála­ráð­herra að flytjast til Vest­manna­eyja og taka við em­bætti lög­reglu­stjóra þar

Ás­laug Arna Sigur­björns­dóttir dóms­mála­ráð­herra, hefur til­kynnt Ólafi Helga Kjartans­syni lög­reglu­stjóra á Suður­nesjum, um flutning hans til em­bættis lög­reglunnar í Vest­manna­eyjum. Þetta herma heimildir Frétta­blaðsins.

Til­kynningin mun hafa komið til hans með form­legu bréfi þar sem fram kemur að flutningur Ólafs Helga til Eyja taki gildi strax um mánaða­mótin, fallist hann á að flytjast af fasta landinu og hefur hann því skamman tíma til að taka af­stöðu til þessara breytinga.

Hafni Ólafur breytingunum, kann að vera ein­faldara fyrir ráð­herra að gera við hann starfs­loka­samning. Ólafur Helgi verður 67 ára í septem­ber og er því kominn á leyfi­legan eftir­launa­aldur.

Eins og greint var frá í fjöl­miðlum í síðustu viku hefur ráð­herra þegar óskað eftir því að hann láti af störfum hjá lög­reglunni á Suður­nesjum, þar sem allt hefur logað í ill­deilum undan­farna mánuði.

„Ég tjái mig ekki um það,“ segir Ólafur Helgi Kjartans­son, inntur eftir upp­lýsingum um fyrir­hugaðan flutning hans. Ás­laug Arna Sigur­björns­dóttir, dóms­mála­ráð­herra hefur ekki svarað fyrir­spurnum Frétta­blaðsins um málið.

Staðan í Eyjum laus

Miklar hrókeringar hafa verið hjá lög­reglu­stjórum á undan­förnum misserum en Páley Berg­þórs­dóttir lét af em­bætti lög­reglu­stjóra í Vest­manna­eyjum fyrr í sumar þegar hún var skipuð lög­reglu­stjóri á Norður­landi eystra.

Halla Berg­þóra Björns­dóttir sem gegnt hafði stöðu lög­reglu­stjóra fyrir norðan var skipuð lög­reglu­stjóri á Höfuð­borgar­svæðinu eftir að Sig­ríður Björk Guð­jóns­dóttir lét af því em­bætti og var skipuð ríkis­lög­reglu­stjóri.

Arn­dís Bára Ingi­mars­dóttir gegnir nú stöðu lög­reglu­stjórans í Vest­manna­eyjum en hún var sett yfir em­bættið tíma­bundið eftir að Páley fluttist norður. Hún var ráðin til starfa til lög­reglunnar á Vest­manna­eyjum árið 2016 og hefur síðan starfað á á­kæru­sviði em­bættisins.

Hildur Sól­veig Sigurðar­dóttir, odd­viti Sjálf­stæðis­flokksins og bæjar­full­trúi í Vest­manna­eyjum, vill ekki sjá Ólaf Helga Kjartans­son, lög­reglu­stjóra á Suður­nesjum taka við em­bætti lög­reglu­stjóra í Vest­manna­eyjum

„Það liggur auð­vitað í hlutarins eðli að sé lög­reglu­stjóri ó­hæfur til að sinna sínu em­bætti á Suður­nesjum er hann jafn ó­hæfur til að sinna því í Vest­manna­eyjum,“ segir Hildur í færslu á Face­book síðu.

Greint var frá því í Fréttablaðinu í dag að Ás­laug Arna Sigur­björns­dóttir dóms­mála­ráð­herra, hefur til­kynnt Ólafi Helga Kjartans­syni lög­reglu­stjóra á Suður­nesjum, um flutning hans til em­bættis lög­reglunnar í Vest­manna­eyjum.

Til­kynningin mun hafa komið til hans með form­legu bréfi þar sem fram kemur að flutningur Ólafs Helga til Eyja taki gildi strax um mánaða­mótin, fallist hann á að flytjast af fasta landinu og hefur hann því skamman tíma til að taka af­stöðu til þessara breytinga.

Eðlilegt ferli væri að auglýsa stöðuna

Hildur segir að skipun Ólafs Helga í stöðu lögreglustjóra vera að sam­fé­laginu í Vest­manna­eyjum nei­kvæð skila­boð. „Annað væri stór­kost­leg gjald­felling em­bættisins,“ skrifar Hildur.

Hún segir jafnframt að það væri réttast að auglýsa stöðuna láta Ólaf Helga sækja um eins og aðra.

„Eðli­legt ferli væri að aug­lýsa stöðu lög­reglu­stjóra í Vest­manna­eyjum nú þegar og þá gæti Ólafur Helgi vissu­lega sótt um líkt og hver annar en að veita ein­hverjum tæki­færi um­fram annan og hvað þá ein­hverjum sem nota bene er hringa­miðjan í þessu erfiða máli á Suður­nesjum væri ó­á­sættan­legt,“ skrifar hún að lokum.

Fréttablaðið.is greindi frá þessu.

Share on facebook
Share on twitter
Share on linkedin
Share on google
Share on print
Ör- hugvekja Landakirkju
Hvað þýðir ást? Svör 4 – 8 ára barna við því
Endurnýjun umferðarljósa Heiðarvegi/Strandvegi
Rafræn foreldraviðtöl gengu vel – 95% foreldra ánægð með fyrirkomulagið
Örhelgistund frá Landakirkju – myndband
Markmiðið að þétta miðbæinn og eldri hverfi með því að byggja á lausum lóðum

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X