Satay kjúklingaspjót & sumarsalat | Tígull.is - Fréttir og viðburðir í Vestmannaeyjum
Uppskrift vikunnar

Satay kjúklingaspjót & sumarsalat

01.05.2020

Satay kjúklingaspjót (fyrir 3):

Hráefni:

2-3 vænar kjúklingabringur

1 krukka satay sósa (Ég nota Blue Dragon satay sósu úr glerkrukku)

1 msk sojasósa

1 hvítlauksrif, smátt saxað eða rifið

Sítróna, skorin í tvennt

1/2 kjúklingateningur

Krydd

Aðferð: 

Byrjið á að skera kjúklinga-bringurnar í litla jafnstóra bita. Setjið kjúklingabitana í skál. Hellið helmingnum af satay sósunni yfir kjúklinginn ásamt sojasósunni, hvítlauknum og safanum úr hálfri sítrónu. Blandið þessu vel saman og þræðið upp á teina og kryddið. Grillið á vel heitu grilli í 10-15 mínútur og snúið nokkuð oft. 

Hægt er að hita afganginn af satay sósunni í potti ásamt 1 dl af vatni, 1/2 kjúklingatening og safanum úr hálfri sítrónu og bera fram með kjúklingaspjótunum ásamt hrísgrjónum og fersku salati.

Sumarsalat

Hráefni:

Iceberg-salat

Klettasalat

Mangó

Cherry-tómatar

2 bollar svartar Doritos-flögur, muldar

1 bolli kasjúhnetur

3 msk. hlynsíróp

2 msk. sykur

Aðferð: 

Skerið salatið í strimla, tómatana í fjórðunga, mangóið í teninga og setjið í skál með klettasalatinu. Magnið fer eftir því hversu margir eru í mat. Hitið pönnu miðlungshita og þurrristið kasjúhneturnar. Þegar þær eru rétt byrjaðar að fá á sig gullinn lit er Doritos-flögunum bætt út á pönnuna. Þurrristið blönduna saman í nokkrar mínútur og bætið svo við hlynsírópi og sykri. Steikið áfram í nokkrar mínútur. Látið kólna og brjótið niður áður en dásemdinni er dreift yfir salatið.

Kartöflusalat

Hráefni:

Soðnar kartöflur

Sellerí

Döðlur

2 msk. dijon-sinnep

4 msk. extra virgin-ólífuolía

Salt

Aðferð: 

Byrjið á að setja sinnepið og ólífuolíuna saman í skál og hræra duglega. Skerið kældar kartöflur í bita, sellerí í sneiðar og döðlur smátt. Blandið öllu saman í skál og saltið eftir smekk. Þetta salat bragðast best eftir klukkustund í kæli.

Share on facebook
Share on twitter
Share on linkedin
Share on google
Share on print
Árshátíð VSV aflýst, út að borða í staðinn
Lista- og menningarverkefnið 1000 Andlit Heimaeyjar í Landandum í kvöld
Mikið um lausagang sauðfés í Vestmannaeyjum
Myndaveisla í makríl og síldinni heilsað
Hin árlega sýning
Njáll og Trausti í live viðtali vegna fjölgun bæjarfulltrúa – rök með og á móti – myndbönd

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X