Nýtt lag, „Hið mikla ský“, er komið út í flutningi Söru Renee Griffin og Unu Þorvaldsdóttur. Lagið er eftir Árna Björgvinsson, sem samdi bæði lag og texta, en faðir hans heitinn á einnig sinn þátt í textanum.
„Hið mikla ský“ er fallegt og hugljúft lag þar sem Ísland, náttúran og sérstök tenging við landið eru í forgrunni.
Árni Björgvinsson samdi bæði lag og texta en saga textans nær þó lengra aftur, því faðir hans heitinn á einnig hlut að máli við tilurð hans. Sú tenging gefur laginu persónulega dýpt og sögu sem skilar sér í flutningnum.
Ísland í forgrunni
Sara og Una segja textann vera þann þátt lagsins sem snerti þær hvað mest. Þar komi Ísland sterkt fram; náttúran, landið og birtan ásamt þeirri sérstöku tilfinningu sem fylgir tengslunum við landið.
„Þetta er einstaklega fallegt lag, en textinn er kannski það sem snertir okkur mest. Þar kemur Ísland sterkt fram – náttúran, landið, birtan og þessi sérstaka tilfinning sem erfitt er að útskýra en svo auðvelt að finna,“ segja þær.
Þær vonast til þess að hlustendur taki laginu vel.
„Við vonum að þetta lag snerti ykkur eins og það hefur snert okkur.“
„Hið mikla ský“ er nú komið út og aðgengilegt til hlustunar.
