Fimmtudagur 29. september 2022

SAMVINNA EFTIR SKILNAÐ

16.12.2020

Fjölskyldu- og fræðslusvið Vestmannaeyja mun á næsta ári taka þátt í verkefninu Samvinna eftir skilnað (SES).

Samvinna eftir skilnað er sérhæfð ráðgjöf til að koma í veg fyrir og/eða til að draga úr ágreiningi foreldra eftir skilnað með hagsmuni barns í huga. Foreldrar geta fengið rafræn námskeið (SES) eða einstaklingsráðgjöf hjá starfsmönnum sviðsins (SES-PRO), allt eftir því hvað hentar hverju sinni.

Starfsfólk félagsþjónustunnar mun snemma í janúar sækja námskeið á vegum félagsmálaráðuneytisins til að fá réttindi til að vinna með námsefnið SES-PRO en hér er um tilraunaverkefni að ræða sem nokkur sveitarfélög taka þátt í árið 2021, þar á meðal Vestmannaeyjabær.

Meðfylgjandi er hlekkur á kynningarmyndband um verkefnið en nánari upplýsingar verða birtar á heimasíðu Vestmannaeyjabæjar fljótlega, þ.m.t. hvernig hægt verður að sækja um þátttöku.

Nánari upplýsingar er nú þegar hægt að nálgast á heimasíðu verkefnisins samvinnaeftirskilnad.is og einnig má skoða upplýsingar á vefsvæði Hafnarfjarðarbæjar og Fljótsdalshéraðs en þau sveitarfélög hafa þegar innleitt verkefnið. Vestmannaeyjar bætast síðan í hópinn fljótlega á nýju ári ásamt 5 öðrum sveitarfélögum.

Starfsmenn félagsþjónustunnar hlakka til að taka þátt í þessu verkefni á komandi ári og vonast eftir góðum viðbrögðum þegar farið verður að auglýsa eftir þátttakendum.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is