Samráðshópur skipaður um sjúkraflug

Á síðasta fundi bæjarráðs var upplýst um skipan samráðshóps um sjúkraflug, samkvæmt tillögu annars starfshóps frá árinu 2018 um aukna aðkomu þyrlna að sjúkraflugi. Í starfshópnum er Íris Róbertsdóttir, bæjarstjóri, sem tilnefnd var af Sambandi íslenskra sveitarfélaga. Gert er ráð fyrir að hópurinn skili ráðherra minnisblaði í lok árs 2022.

Þá ræddi ráðið fund sem það, ásamt bæjarstjóra, átti með heilbrigðisráðherra, þriðjudaginn 21. júní sl. Þar kom bæjarráð fram ósk við ráðherra um að hefja undirbúning á nýju hjúkrunarheimili í Vestmannaeyjum. Mun ráðið fylgja eftir því samtali við heilbrigðisráðherra m.a. með því að undirbúa umsókn og þarfagreiningu.

Bæjarráð ræddi einnig mönnun á heilsugæslu Heilbrigðisstofnunar Suðurlands í Vestmannaeyjum og auknar áhyggjur af henni, þá sérstaklega mönnun lækna. „Mikilvægt er að halda uppi nauðsynlegri grunnheilbrigðisþjónustu í Vestmannaeyjum og til þess þarf að manna allar stöður lækna og annars heilbrigðisstarfsfólks allan sólarhringinn,“ segir í fundargerðinni. Bæjarráð felur bæjarstjóra að óska eftir samtali við Díönu Óskarsdóttur, forstjóra HSU og Davíð Egilsson, yfirlækni á heilsugæslu HSU í Vestmannaeyjum, um stöðuna.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search