Fimmtudagur 18. ágúst 2022

- Bæjarfjölmiðillinn í Vestmanneyjum -

Slippurinn

Sælkerabúð opnar á strandvegi

3.desember 2020

Í byrjun desember opnar fjölskyldan á Slippnum sælkerabúð í fyrrverandi

húsnæði ÉTA að strandvegi 76 sem verður opin út desember.

Boðið verður upp á ferskan fisk, fiskrétti, kjöt, hráskinkur og úrval osta sem eru tilvaldir í jólaveisluna ásamt veisluplöttum. Hægt verður að panta sérlagaða nauta wellington veislu lagað af Gísli Matt fyrir Jól og Áramót.

 

Hefur lengi staðið til að opna búð sem þessa?

Okkur hefur lengi langað til að opna fiskbúð hér í eyjum sem bíður einnig upp á aðrar gæðavörur en höfum ekki látið verða að því fyrr en nú.

Hver er ástæðan til að opna búð sem þessa?

Aðalástæðan er að það er ekki hægt að kaupa ferskan fisk frá Vesmannaeyjum hér,  það er auðvitað galið!

Svo hefur okkur fundist úrvalið af gæðavörum verið að skornum skammti hjá öðrum kjörbúðum hér í eyjum og hugsuðum okkur að við gætum gert eitthvað í því.

Hefur COVID19 haft mikil áhrif á reksturinn?

Framan af sumri var mjög gott að gera og þetta leit mjög vel út en þegar að önnur bylgjan fór í gang þá fór fljótt að halla undan fæti. Til að mynda var samanlögð velta Slippsins og ÉTA saman 350% lægri í ágúst og september í ár heldur en árið 2019 en í heildina séð var sumarið ekki skelfilegt en við förum þó inn í veturinn með miklar skuldir á bakinu. Við erum spennt fyrir komandi tímum og nýju ári að vinna  okkur úr því.

Er þá búið að loka ÉTA fyrir fullt og allt?

Það á eftir að koma í ljós. Okkur þykir vænt um þann stað, en við náðum ekki að að reka hann alveg eins og við sáum fyrir okkur. Við erum samt spennt fyrir því sem gerist á nýju ári og það er aldrei að vita að ÉTA opni í einhverri mynd. Meira um það síðar!

Verður jólaveisla Slippsins haldin?

Við munum ekki vera með jólaveislu á Slippnum eins og stóð til vegna samkomutakmarkana en í staðinn munum við velja bestu réttina og senda heim í heimahús og fyrirtæki á mjög sanngjörnu verði. Okkur var farið að hlakka mikið til að fá fólk í kósí stemmningu til okkar en við ákváðum að leysa þetta svona í ljósi þeirra stöðu sem er í samfélaginu. Mörg fyrirtæki sem áttu bókað hjá okkur ætla til að mynda að halda jólaveislu saman bara í gegnum zoom og borða og meta matinn saman. Það er spennandi!

Hvernig verður opnunartíminn hjá ykkur?

Við erum enn að ákveða hann – en það verður líklega opið frá 9. desember fram að jólum. Nema lokað á sunnudögum, en það á eftir að koma í ljós, við munum auglýsa það fljótlega.

Er fiskurinn eingöngu úr Eyjum?

Nánast allur fiskur, nema við fáum frábæra bleikju og lax annarsstaðar frá.

Hvaða og hvernig ostar verða í boði? Við höfum fengið Ostasérfræðing Íslands með okkur í lið hana Eirnýju sem ætlar að vera með okkur í að gera ostaúrvalið frábært. Við erum byrjuð að marinera nokkra gráðaosta. Svo verðum við með einhverja íslenska osta sem er búið að geyma í 12 mánuði til þess að ná fullum bragðþroska í bland við hágæða geitaosta og fleira frá Frakklandi.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is