Ríkið ber ábyrgð á að tryggja samgöngur á landinu | Tígull.is - Fréttir og viðburðir í Vestmannaeyjum
bæri4242

Ríkið ber ábyrgð á að tryggja samgöngur á landinu

10.09.2020

Á bæjarráðsfundi í gær var farið yfir stöðuna á samgöngum til Eyja

 

Bæjarstjóri gerði grein fyrir samtölum sem bæjarfulltrúar hafa átt við samgönguráðherra, fjármálaráðherra og vegamálastjóra um stöðu samgangna til og frá Vestmannaeyjum, þ.m.t. samtölum við ráðherra og vegamálastjóra um stöðu flugsamgangna eftir að Flugfélagið Ernir ákvað á dögunum að hætta áætlunarflugi til Vestmannaeyja og samtölum sem átt hafa sér stað vegna fjárhagsstöðu Herjólfs ohf. og óvissu um sértekjur Herjólfs og fjárheimildir úr ríkissjóði til reksturs félagsins skv. þjónustusamningi.

En á dögunum átti bæjarstjórn góðan fund með þingmönnum suðurkjördæmis um stöðuna bæði í flugi og á sjó. Þingmenn kjördæmisins tóku undir áhyggjur bæjarfulltrúa.

 

Enginn viðbrögð frá ráðuneytinu við erindi bæjarins vegna stöðu Herjólfs í þrjár vikur

 

Þann 17. ágúst sl. átti bæjarráð fund með samgöngu- og sveitarstjórnarráðuneytinu vegna fjárhagsstöðu Herjólfs ohf. þar sem meðal annars var kynnt lögfræðiálit er varðar greiðslur ríkisins vegna grunnvísitölu og öryggismönnunar á skipinu. Á þeim þremur vikum sem liðnar eru frá fundinum hafa engin önnur viðbrögð komið frá ráðuneytinu við erindi bæjarins en að svarið berist á næstu dögum og eru það mikil vonbrigði og ekki til þess fallið að draga úr óvissu fyrir framhaldinu.

 

Ríkið þarf að bregðast við stöðunni

 

Hvað varða ákvörðun flugfélagsins Ernis um að hætta áætlunarflugi til Vestmannaeyja frá 4. september þá eru mikil vonbrigði fyrir samfélagið í Vestmannaeyjum, bæði fyrir íbúa og atvinnulíf, að flugfélagið sjái sér ekki hag í því að halda fluginu áfram. Ljóst er að ríkið þarf að bregðast við stöðunni og liðka fyrir áframhaldandi flugsamgöngum við Vestmannaeyjar.

 

Ríkið ber ábyrgð á að tryggja samgöngur í landinu

 

Sveitarfélagið hefur komið skýrt á framfæri sjónarmiðum sínum við ráðherra, þingmenn og vegamálastjóra, um mikilvægi þess að áætlanaflug sé til og frá Vestmannaeyjum og óskað eftir að ríkið og Vegagerðin leysi úr málinu fljótt og örugglega. Ríkið ber ábyrgð á að tryggja samgöngur á landinu. Vestmannaeyjabær gerir þá eðlilega kröfu að reglulegum flugsamgöngum verði komið á að nýju eins fljótt og mögulegt er.

Share on facebook
Share on twitter
Share on linkedin
Share on google
Share on print
Ör hugvekja á sunnudegi – séra Guðmundur Örn með hlý orð
Sólakrílin syngja og dansa sig inn í helgarfríið
Fimm litlum pysjum sleppt í gær í lok tímabils
Rafstöð og ljósabúnaður fyrir hindranaljós á Heimaklett kemur vel út á klettinum
Starfsemi og helgihald Landakirkju
Lagfæringar á gönguleið í Dalfjalli

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X