Queen aðdáendur nær og fjær. Tvennir tónleikar með raddtvífara Freddie Mercury, Marc Martel og hljómsveitinni The Ultimate Queen Celebration, verða haldnir í apríl 2020.
Ef þú sást og heillaðist af kvikmyndinni Bohemian Rhapsody sem tröllreið öllu hér fyrir stuttu þá máttu alls ekki missa af þessari RISA Queen tónleikaveislu! Marc Martel var sá sem léði söngrödd sína til kvikmyndarinnar og ásamt leikaranum Rami Malek sem lék Freddie Mercury, endurholdgaði hann meistarann á ógleymanlegan hátt. Útkoman varð ótrúleg. Það var líkt og Freddie sjálfur með húð, hári og sinni einstöku rödd væri hér mættur í kvikmynd um sjálfan sig.
Tvennir tónleikar fara fram í Laugardalshöll en hljómsveitin troðfyllti Hörpu fyrir fjórum árum, ekki bara einu sinni heldur tvisvar!
„Hljómsveitin er svo hrikalega góð að ég myndi ekki vilja fara á svið á eftir þeim„, var haft eftir Roger Taylor, trommara Queen um bandið árið 2015.
Freddie endurfæddur?
The Ultimate Queen celebration var sérstaklega búin til svo dyggir aðdáendur um allan heim gætu upplifað lög hljómsveitarinnar Queen en ekki síður til þess að kynna Queen fyrir nýrri kynslóð. Mark Martel þykir syngja nánast eins og Freddie heitinn Mercury en Martel syngur til að mynda mörg laganna í myndinni Bohemian Rhapsody.
Takmarkaður miðafjöldi
Queen aðdáendur ættu ekki að láta þennan stórviðburð fram hjá sér fara. Tónleikarnir fara fram dagana 8. og 9. apríl 2020. Miðasala hófst þriðjudaginn 15.október. Tónleikarnir verða sitjandi og því um takmarkað magn miða að ræða. Það hafa nú þegar selst á annað þúsund miðar á þessum fyrstu dögum sölunnar.
Þú færð miða á þessa klikkuðu tónleika inn á miði.is
