Piparkökur fyrir jólin

29.11.2020

Piparkökur

Best að gera uppskirftina dag­inn áður og geyma í kæli þangað til dag­inn eft­ir. Einnig er mjög mik­il­vægt að taka deigið út úr ís­skápn­um með nokk­urra tíma fyr­ir­vara svo deigið sé ekki al­veg grjót­hart og ómögu­legt þegar á að fara að fletja út.

Hráefni:

500 gr. hveiti

250 gr. syk­ur

180 gr. smjör (upp­runa­lega upp­skrift­in biður um smjör­líki en ég nota það helst aldrei)

2 tsk. mat­ar­sódi

2 tsk. neg­ull

2 tsk. engi­fer

1/​2 tsk. hvít­ur pip­ar

4 tsk. kanill

1 dl sírópið í grænu doll­un­um

1 dl mjólk

Aðferð:

Setjið smjörið og sírópið sam­an í pott og bræðið sam­an við væg­an hita. Þegar bland­an er al­veg að verða bráðin setjið þá allt krydd út í og hrærið sam­an.

Takið af hell­unni og setjið önn­ur þur­refni sam­an í hræri­véla­skál. Notið krók­inn og hellið sírópskrydd­blönd­unni út í ásamt mjólk. Hrærið vel sam­an þangað til deigið er orðið sam­fellt og slétt.

Setjið plast yfir skál­ina og kælið yfir nótt eins og áður sagði. Munið að taka deigið svo út með góðum fyr­ir­vara.

Fletjið deigið frek­ar þunnt út þar sem það blæs svo­lítið upp.

Bakið við 195°C í ca. 6-7 mín. Kælið svo á grind og skreytið með glassúr ef vill.

Per­sónu­lega finnst mér þær eig­in­lega best­ar án glass­úrs en það er auðvitað bara smekks­atriði eins og hvað annað.

Glassúr

Hráefni:

2 stórar eggjahvítur

2 2/3 bolli sigtaður flórsykur

Nokkrir dropar af sítrónusafa

Gel matarlitur

Aðferð:

Eggjahvítum og 1 ¹/₃ bolli flórsykrinum er hrært saman með t.d. gaffli. Restinni af flórsykrinum er þeytt saman við  með handþeytara þar til blandan er orðin stífþeytt. Stundum þarf að bæta flórsykri saman við til að gera blönduna þykkari. Nokkrum dropum af sítrónusafa er hrært saman við.

Ef þú ætlar að hafa kremið með lit er matarliturinn settur saman við.

Ef þér er illa við að nota hráar  eggjahvítur þá er hægt að hita blönduna í örbylgjuofni í ca. 30-40 sek.  Blandan má ekki verða heitari en 80°C.