30.06.2020

Petar Jokanovic hefur skrifað undir nýjan eins árs samning við handknattleiksdeild ÍBV. Petar kom til liðs við ÍBV fyrir síðasta tímabil og átti fínasta tímabil. 

Í tilkynningu frá ÍBV segir að Petar sé mjög ánægður með umhverfið og fólkið í Vestmannaeyjum og vildi því taka slaginn með félaginu aftur á næsta tímabili.

„Við hjá ÍBV erum ánægð með að hafa gengið frá samningi við Petar og hlökkum til samstarfsins í vetur.” segir í tilkynningunni sem birt er á facebook-síðu handknattleiksdeildar ÍBV.