Þriðjudagur 16. apríl 2024

Óvænt úrslit á Pallamótinu í Eyjum

Öflugt atskákmót Pallamótið – til minningar um Pál Árnason, múrara (1945-2021) fór fram í Vestmannaeyjum laugardaginn þann 5. júní í húsnæði Þekkingarseturs Vestmannaeyja

Keppendur voru 50 og voru tefldar sjö umferðir og umhugsunarími á skák 10 mín. og 5 sek á leik.

Mótið hófst kl. 12 á hádegi af lokinni formlegri setningu. Af þessum 50 keppendum voru fjórir stórmeistarar, einn alþjóðlegur meistari og tveir FM meistarar.

Alls tóku 14 félagar í TV þátt í mótinu auk þriggja úr fjölskyldu Páls Árnasonar. Félagið stóð fyrir fjölmennu móti til minningar um Bedda á Glófaxa ( 1943-2018), Beddamótið í sama húsnæði á gamla lokadaginn 11. maí 2018 og bjó því að góðri og dýrmætri reynslu af jafn fjölmennu mótshaldi.

Sigurvegari á mótinu var Vignir Vatnar Stefánsson nýlega orðinn alþjóðlegur meistari með 6,5 vinninga af 7 mögulegum sem er glæsilegur árangur hjá þessum unga skákmeistara. Í öðru sæti varð Helgi Áss Grétarsson, stórmeistari með 6 vinninga og í 3.-5. sæti urðu stjórmeistararnir: Helgi Ólafsson, Guðmundur Kjartansson og Hannes Hlífar Stefánsson með 5,5 vinninga.

Síðan komu fjórir keppendur með 5 vinninga og í þeim hópi eru Þorsteinn Þorsteinsson FM meistari og Aron Ellert sonur hans en þeir eru báðir félagsmenn í TV og keppa fyrir félagið á Íslandsmóti skákfélaga. Veitt voru þrenn verðlaun til keppenda sem fæddir eru 2005 og síðar, en þeir voru Markús Orri Jóhannsson, Matthías Björgvin Kjartansson og Bjartur Þórisson en þeir hlutu allir 4 vinninga.

Mótinu lauk upp úr kl. 16 og fóru margir keppendur með Herjólfi til Landeyjahafnar kl. 17 að loknu vel heppnuðu skákmóti. Helsti styrktaraðili mótsins var Ísfélag Vestmannaeyja og Langa fiskþurrkun. Aðrir helstu bakhjarlar Taflfélags Vm. eru Vestmannaeyjabær og Vinnslustöðin.

Skákstjóri á þessu fjömenna móti var Þórir Benediktsson frá Skáksambandi Íslands og mótstjórar voru Arnar Sigurmundsson og Hallgrímur Steinsson form. Taflfélags Vm.

Nánar um mótið á skak.is

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search