Óskar eftir að lundaveiði verði gerð frjáls á öllum svæðum á Heimaey

Ósk um að afnema ákvörðun um sérstakt veiðifélag fyrir fjöll í Heimaey

Á fundi bæjarráð í dag var tekið fyrir erindi Egils Arngrímssonar frá 4. maí sl. þar sem skorað er á bæjaryfirvöld að breyta reglum um lundaveiðar þannig að veiði verði gerð frjáls á öllum svæðum á Heimaey.

Bæjarráð telur ekki ástæðu til þess að breyta reglum um veiðar á lunda á Heimaey að svo stöddu

Fyrirkomulagi veiða á Heimaey var komið á árið 2008 að frumkvæði bæjaryfirvalda til þess að bregðast við minnkandi lundastofni í Vestmannaeyjum og ná betri stjórn og yfirsýn yfir veiðarnar. Veiðimenn hafa auk þess undanfarin ár verið hvattir til þess að halda veiðinni í lágmarki og láta lundann njóta vafans.

Mikilvægur liður í þessu er að hafa í gildi reglur um nytjarétt, bæði í úteyjum sem og á Heimaey. Bæjarráð telur ekki ástæðu til þess að breyta reglum um veiðar á lunda á Heimaey að svo stöddu þar sem reynslan af þessu fyrirkomulagi hefur reynst vel.

(Eyþór Harðarson, fulltrúi bæjarráðs, vék af fundi undir þessum dagskrárlið.)

Hér er bréf Egils til bæjarráðs: 

Vestmannaeyjar 4. Maí 2022

Í kjölfar greinar sem ég skrifaði og birt var á Eyjamiðlunum 4 apríl sl. þá vil ég skora á bæjarráð að snúa til baka þeirri ákvörðun sem tekin var fyrir líklega 12-13 árum, þar sem ákveðið var að setja flest fjöllin á Heimaey í sérstakt veiðifélag og að aðrir en þeir sem væru í þessu félagi fengju því eingöngu að veiða lunda í Sæfelli. Ákvörðunin var ekki góð þegar hún var tekin og hefur síðan elst illa. Það er nákvæmlega ekkert sem kallar á að allir þurfi að vera í sama veiðifélagi til að veiða á heimalandinu. Það eru engin öryggissjónarmið sem kalla á það og allir veiðimenn þurfa að skila inn veiðskýrslu til umhverfisstofnunar. Eins og áður segir þá skora ég á bæjaryfirvöld að breyta þessu og skila almenningi fjöllunum.

Egill Arnar Arngrímsson

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search