Örhelgistund og hugvekja um verslunarmannahelgi | Tígull.is - Fréttir og viðburðir í Vestmannaeyjum
settning20190

Örhelgistund og hugvekja um verslunarmannahelgi

31.07.2020

Í nafni Guðs + föður og sonar og heilags anda. Amen.

Vertu, guð faðir, faðir minn,
Í frelsarans Jesú nafni,
Hönd ín leiði mig út og inn,
svo allri synd ég hafni.
(Hallgrímur Pétursson, Ps. 44)

Venju samkvæmt hefði formleg setning Þjóðhátíðar verið í Herjólfsdal í dag. Kórinn okkar hefði sungið kunna sálma í helgistund sem leidd er af prestum Landakirkju sem flytja jafnframt hugvekju. Ljóst er að svo er ekki nú í ár og hlökkum við til næstu Þjóðhátíðar sem verður vonandi með hefðbundnari hætti en nú.

Þrátt fyrir það er ljóst að ýmsir munu koma saman í Eyjum og víðar til að gleðjast og eiga njóta samverustunda með fjölskyldu og nánustu vinum. Að efla fjölskyldu- og vináttutengsl er að sjálfsögðu alltaf til bóta og gefandi. Hins vegar vonum við og viljum að við förum með gát og sýnum ítrustu aðgát og árvekni í sóttvörnum. Það er alltaf mikilvægt og sérstaklega í ljósi nýrra áherslna sem kynntar voru í gær. Við skulum vera hluti af lausninni en ekki vandanum.

Guð vaki yfir okkur öllum um helgina, blessi samskipti okkar og gefi okkur umburðarlyndi og aðgát. Amen.

Leggjum inn í helgina með bæninni sem Guð kenndi okkur og kennir enn í dag og biðjum saman.

Faðir vor, þú, sem ert á himnum.
Helgist þitt nafn, til komi þitt ríki,
verði þinn vilji svo á jörðu sem á himni.
Gef oss í dag vort daglegt brauð.
Og fyrirgef oss vorar skuldir
svo sem vér og fyrirgefum
vorum skuldunautum.
Eigi leið þú oss í freistni,
heldur frelsa oss frá illu.
Því að þitt er ríkið,
mátturinn og dýrðin
að eilífu. Amen.

(Mynd tekin við setningu Þjóðhátíðar árið 2019)

Share on facebook
Share on twitter
Share on linkedin
Share on google
Share on print
Endurnýjun umferðarljósa Heiðarvegi/Strandvegi
Rafræn foreldraviðtöl gengu vel – 95% foreldra ánægð með fyrirkomulagið
Örhelgistund frá Landakirkju – myndband
Markmiðið að þétta miðbæinn og eldri hverfi með því að byggja á lausum lóðum
Ragnar Þór Jóhannsson kosinn formaður Farsæls
Ör hugvekja á sunnudegi – séra Guðmundur Örn með hlý orð

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X