04.06.2020
Það bíða margir spenntir eftir að Ölstofa The Brothers Brewery kynni til leiks sjómannadagsbjórinn í ár, þetta er orðin hluti af sjómanndagshelginni hér í Vestmanneyjum, blaðamaður Tíguls tók létt spjall við Jóhann Guðmundsson einn eigenda Brothers Brewery.
Á hverju ári höfum við heiðrað sjómann ársins en nú í ár er það Óskar á Frá sem við viljum heiðra með því að brugga bjór. Bjórinn var bruggaður fyrr í vetur á meðan að við spiluðum jazz og svo þótti Óskari möndlukökur mjög góðar þannig að við hentum 20 möndlukökum frá Vigtin bakhús í bjórinn. Úr varð 10% imperial stout sem er algjörlega frábær með fullt af súkkulaði, kaffi og möndlukökum.
Þetta er fimmta árið sem að The Brothers Brewery bruggar bjór til heiðurs sjómanni en fyrstur var Ragnar Togari, annar Rikki Zoega, þriðji Sverrir Gunnlaugs og í fyrra var það Beddi á Glófaxa.
Síðustu ár hefur svo flaska af bjórnum alltaf verið boðin upp á sjómannaballinu þar sem safnast hafa 3,5milljónir króna í góðgerðarmál. Í ár er ekkert sjómannaball þannig að breyting verður á þessu í ár.
Bjórinn verður kynntur til leiks kl 18:00 í dag fimmtudag og mun karlakórinn koma við og taka nokkur lög.
Ölstofa The Brothers Brewery er svo opin í dag fimmtudag frá 16:00 tl 23:00, á morgunn föstudag og laugardag frá 14:00 til 23:00.
