Laugardaginn 30. apríl verður ljósmyndasýning í Einarsstofu milli klukkan 13 og 18 .
Jóhanna Lilja Eiríksdóttir varaformaður Barakkasamtakana fjallar um reynslu sína BRCA arfberi. Einnig munu Sóley Björg Ingibergsdóttir og Gunnar Bjarni Ragnarsson krabbameinslæknir taka þátt í umræðunni.
Sóley Björg Ingibergsdóttir leyfði ljósmyndaranum Þórdísi Erlu Ágústsdóttur að fylgja sér í lyfja- og geislameðferð og tvöfalt brjóstnám og verður í dag opnuð sýning með afrakstrinum.
Sóley var aðeins 25 ára þegar hún fékk þær fréttir að hún væri BRCA2 arfberi, þrátt fyrir að ekki væri þekkt áhætta um krabbamein í nánustu fjölskyldu hennar. Hún átti að hefja eftirlit fimm árum síðar en aðeins liðu tvö ár þar til Sóley sjálf fann hnút í brjósti og greindist í kjölfarið með brjóstakrabbamein.
Þegar hún sá póst frá Þórdísi Erlu Ágústsdóttur ljósmyndara, þar sem hún leitaði að konu í meðferð til að taka þátt í vitundarvakningarverkefni, ákvað hún að senda henni línu.
