Sigurbjörg ÁR 67, nýjasta skip félagsins, var sjósett í dag hjá Celiktrans skipasmíðastöðinni í Istanbul í Tyrklandi. Skipið er ísfisktogari og er mesta lengd skipsins 48,1 m og breidd þess er 14 m. Ólafur Helgi, aðstoðarforstjóri, var staddur í Istanbúl, við sjósetninguna í dag og sagði hann allt hafa gengið eins og í sögu.
Töluvert fjölmenni var viðstatt sjósetninguna, m.a. fjölskyldur margra sem að smíðinni komu. Ása Árnadóttir klippti á borðann áður en skipinu var hleypt af stokkunum. Skipið fór þráðbeint út og var haft á orði að þetta væri einstaklega mjúk sjósettning.
Meðfylgjandi myndir voru teknar í morgun í 38 gráðu hita við athöfnina.
