ÍBV handbolti eru í samstarfi við Kára og hans fólk í Kránni.
Á heimaleikjunum í vetur verður hér eftir valinn Kráar-leikmaður leiksins ásamt því að dreginn er út aðili sem er Kráar-stuðningsmaður leiksins. Þessir aðilar fá svo glaðning frá Kránni að launum.
Á laugardaginn var Friðrik Hólm Jónsson valinn Kráar-leikmaðurinn og Ómar Steinsson Kráar-stuðningsmaður dagsins.
Í gær var svo Sunna Jónsdóttir valin Kráar-leikmaðurinn og Þóra Hallgrímsdóttir Kráar-stuðningsmaður dagsins. Meðfylgjandi er mynd af þeim stöllum.
ÍBV þakka Kránni fyrir samstarfið í þessu skemmtilega verkefni.
Greint er frá þessu á vef ÍBV handboltans.
