Nýtt uppsjávarskip Vinnslustöðvarinnar, Gullberg VE-292, kom í fyrsta skipti til nýrrar heimahafnar í Vestmannaeyjum nú í morgunsárið.
Skipið hefur þó áður verið hluti af íslenska skipaflotanum, annars vegar sem Margrét EA í eigu Samherja og hins vegar sem Beitir NK í eigu Síldarvinnslunnar. Skipið var selt úr landi til Björgvin í Noregi og hlaut þá nafnið Garðar.
Gullberg er liðlega 70 metra langur og 13 metra breiður. Lestarpláss er 2.100 rúmmetrar. Skipstjóri verður Jón Atli Gunnarsson núverandi skipstjóri á Kap VE.
Stefnt er á að skipið verði til sýnis fyrir almenning síðar í vikunni.
