Það var hátíðleg stund þegar nýja björgunarskipið Þór kom til Vestmannaeyjahafnar. Skipið er það fyrst af þremur sem Landsbjörg hefur látið smíða, hvert að andvirði 285 milljóna króna. Þá greiðir ríkið helming kaupverðsins. Þetta er stærsta fjárfestingarverkefni slysavarnafélagsins til þessa. Sjóvá hefur styrkt smíðar á skipunum um 142,5 milljónir króna, en í tilkynningu frá Landsbjörgu segir að skipin muni stytta viðbragðstíma félagsins á sjó um helming í flestum tilfellum. Í tilkynningunni segir ennfremur að skipin skipti miklu máli fyrir öryggi sjófarenda í kringum landið og séu einnig hönnuð með það í huga að geta aðstoðað við björgunarverkefni á landi, til að mynda með því að tryggja fjarskipti á fáförnum stöðum. KewaTec í Finnlandi annast smíðar á nýju björgunarskipunum þremur. Áætluð afhending á öðru skipinu er fyrir árslok 2022 á Siglufirði. Smíði á þriðja skipinu hefst síðan í janúar 2023 og afhending á því verður eftir mitt það ár. Áfram er unnið að fjármögnun 10 björgunarskipa til viðbótar enda er það markmið Landsbjargar að endurnýja öll þrettán björgunarskip sín.
Arnór Arnórsson, formaður BV, sagðist vera mjög þakklátur þeim sem styrkt hafi kaupin til þessa, enn sé þó langt í land.
Auk styrkjanna sem nefndir eru hér að neðan styrkti Verðandi kaupin um 1,5 milljónir.









