Nýir tímar í Sjóvá Kvennahlaupi ÍSÍ – bolir verða til sölu á Leturstofunni, fimmtudag og föstudag – Tígull.is – Fréttir og viðburðir í Vestmannaeyjum
Kvennahlaup_allar (1)

Nýir tímar í Sjóvá Kvennahlaupi ÍSÍ – bolir verða til sölu á Leturstofunni, fimmtudag og föstudag

09.06.2020

Nýju kvennahlaupsbolirnir verða til sölu á Leturstofunni fimmtudag og föstudag frá kl 16:00 og frameftir, verð á bolnum er 4000,- og 1500 barnabolir í ár eru 5 stærðir af barnabolum allt niður í þriggja ára aldur. Takmarkað magn er í boði svo fyrstu koma fyrstu fá.

Við hlaupum svo frá Íþróttamiðstöðinni kl 12:00 á laugardaginn 13. júní.

Sjóvá Kvennahlaup ÍSÍ 2020 fer fram laugardaginn 13. júní, í 31. sinn. Í upphafi, árið 1990 var markmiðið að hvetja konur til hreyfingar og almennrar þátttöku í íþróttastarfi og óhætt er að segja að það hafi tekist. Í dag á Ísland afrekskonur á öllum sviðum íþrótta og almenn hreyfing með besta móti. Árið 2020 er markmið hlaupsins að hvetja konur til þess að gera hlutina á eigin forsendum og nær sú hugsun langt út fyrir hlaupið og líkamsrækt. Kvennahlaup nútímans snýst um hreyfingu sem hentar hverjum og einum, samveru kynslóðanna, líkamsvirðingu, sanngirni, umhverfismeðvitund og valdeflingu. Einkunnarorð Sjóvá Kvennahlaups ÍSÍ 2020 eru „Hlaupum saman“.

Nýr bolur hannaður af Lindu hjá Scintilla

Nýr og endurhugsaður Kvennahlaupsbolur var afhjúpaður með viðhöfn föstudaginn 22 maí.Bolurinn er tákn nýrra tíma og slær tóninn fyrir nýja hugsun. Til að mæta nýjum tímum þarf nýja hugsun. Hinn klassíski Kvennahlaupsbolur hefur verið einkennismerki hlaupsins um árabil og því fylgdi því talsverð eftirvænting í hvert skipti að sjá hvaða litur yrði á bolunum og þannig hlaupinu öllu það árið. Árið 2020 sjáum við nýjan bol hugsaðan frá grunni en það er Linda Árnadóttir lektor í fatahönnun við Listaháskóla Íslands og eigandi Scintilla sem hannar. Bolurinn er bæði fallegur og praktískur, hentar afar vel sem hlaupa- og æfingaflík en nýtist einnig við önnur tilefni. Bolurinn er 100% endurunninn, úr endurunninni lífrænni bómull og endurunnu plasti.

Í takt við þessa nýju umhverfisstefnu hlaupsins má með einföldum hætti greiða aðeins fyrir þátttöku í hlaupinu á www.tix.is eða á hlaupastað á hlaupadag. Fyrir þá sem ekki kaupa bol er um að gera að koma í eldri Kvennahlaupsbolum. Jafnframt hefur verið ákveðið að afnema útdeilingu verðlaunapeninga en í gegnum tíðina hafa allir þátttakendur farið heim með medalíu.

Allir geta tekið þátt

Í 30 ár hafa þúsundir kvenna um allt land notið þess að hreyfa sig saman í Kvennahlaupinu og í því hafa konur getað sameinað tvo mikilvæga þætti í lífinu; hreyfingu og samveru. Sjóvá Kvennahlaup ÍSÍ fer sem fyrr segir fram þann 13. júní á hátt í 70 stöðum á landinu og allir geta tekið þátt óháð aldri, þjóðerni eða kyni. Fólk á öllum aldri kemur saman á hlaupadegi og á saman skemmtilega stund þar sem sumir hlaupa en aðrar ganga. Fjölmennustu hlaupin fara fram í Garðabæ og Mosfellsbæ og í ljósi Covid–19 hafa verða gerðar ráðstafanir á þessum stöðum þar sem svæðinu verður skipt upp í hólf samkvæmt leiðbeiningum fyrir íþróttamannvirki. Minnt er á að það er á ábyrgð hvers hlaupara fyrir sig að verja sjálfan sig og aðra í kringum sig eins vel og hann getur. Þátttakendur eru hvattir til að gera sínar eigin ráðstafanir og virða þessar aðstæður.

Nánari upplýsingar um alla hlaupastaði og tímasetningar er að finna á www.kvennahlaup.is. Hlaupum saman laugardaginn 13. júní. Miðasala fyrir hlaupið sem og bolasala er á www.tix.is en einnig er hægt að nálgast boli í versluninni Scintilla Laugavegi 40, í Íþróttamiðstöðinni Laugardal, versluninni Barr Living á Garðatorgi, hjá UMF Selfoss í Tíbrá, sundlauginni Jaðarsbökkum Akranesi, skrifstofu ÍSÍ í Íþróttahöllinni Akureyri og hjá Leturstofunni í Vestmannaeyjum.

Share on facebook
Share on twitter
Share on linkedin
Share on google
Share on print
Sektarlaus vika á Bókasafni Vestmannaeyja!
Skora á umhverfis og skipulagsráð Vestmannaeyja
Týnd í 47 ár en er nú komin í réttar hendur
Guðdómlega fallegur fluttningur hjá Unu og Söru Renee á laginu The Prayer
26 styrkumsóknir bárust fyrir Viltu hafa áhrif 2021
Ör hugvekja á síðasta sunnudegi kirkjuársins

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is