Ný hraunsprunga hefur nú opnast um hálfan kílómetra norðaustur af gosstöðvunum í Geldingadal. Þetta sést glögglega á vefmyndavél Ríkisútvarpsins, sem snýr nú að sprungunni.
Í samtali við fréttastofu visirs.is segir náttúruvársérfræðingur hjá Veðurstofunni að tilkynning hafi borist frá flugturninum í Keflavík. Fyrstu mælingar bendi til þess að sprungan sé um hálfur kílómtetri að lengd.
Viðbúið hafi verið að sprunga gæti opnast á svæðinu, þar sem kvikugangurinn liggi undir nokkuð stóru svæði.
Sigurður Bergmann, aðalvarðstjóri hjá lögreglunni, segir í samtalið við mbl.is að búið sé að loka aðgangi að fjallinu í varúðarskyni og verið sé að rýma svæðið. Hann segir erfitt að átta sig á stærð sprungunnar en giskar á að hún geti verið 100-300 metra löng þótt hún sé ekki afkastamikil í augnablikinu.
Sigurður segir að um varúðarráðstöfun sé að ræða að loka svæðinu. „Það var fólk á göngu ekki langt frá sprungunni. Við sáum það á vefmyndavélinni,“ segir hann. Þá sé erfitt að segja til um hvað muni gerast næst.
Hér er myndbönd frá Eyjapeyjanun Gílsa M. Gíslasyni sem hefur verið að fljúga með fólki að gosstöðunum á þyrlu.
Forsíðumyndin er líka frá Gísla Matthíasi Gíslasyni.

