Miðvikudagur 24. júlí 2024

Ný sjálfsvígsforvarnaáætlun í mótun

Willum Þór Þórsson heilbrigðisráðherra hefur falið starfshópi að gera tillögu að uppfærðri sjálfsvígsforvarnaáætlun. Áhersla er lögð á að aðgerðir áætlunarinnar tengist gildandi stefnu og aðgerðaáætlun í geðheilbrigðismálum, auk lýðheilsustefnu og heilbrigðisstefnu.

Undanfarin ár hefur vinna við sjálfsvígsforvarnir byggst á aðgerðaáætlun frá árinu 2018 sem unnin var af starfshópi embættis landlæknis á grundvelli þingsályktunar frá árinu 2016 um stefnu og aðgerðaáætlun í geðheilbrigðismálum til fjögurra ára. Við þá vinnu er starfshópnum einnig ætlað að hafa hliðsjón af Evrópuverkefninu Joint Action ImpleMENTAL 2022-2024 sem Ísland á aðild að og snýr m.a. að innleiðingu gagnreyndra sjálfsvígsforvarna að austurrískri fyrirmynd.

„Hvert sjálfsvíg hefur gáruáhrif á fjölmarga hópa og tap samfélagsins er mikið. Á grundvelli gildandi aðgerðaáætlunar hefur margt áunnist og mjög gott starf verið unnið. Frá þeim tíma sem aðgerðaáætlunin var sett hefur margt breyst bæði í þjóðfélaginu og í sjálfsvígsforvarnavísindum. Brýnt er því að uppfæra aðgerðirnar, aðlaga að nútímanum og nýjustu áherslum á þessu sviði, svo þær skili sem mestum árangri fyrir fólkið í landinu“ segir Willum Þór Þórsson heilbrigðisráðherra.

Gert er ráð fyrir að starfshópurinn skili uppfærðri aðgerðaáætlun í sjálfsvígsforvörnum fyrir lok ágúst næstkomandi. Aðgerðirnar sem hópurinn leggur til skulu vera kostnaðarmetnar og skilgreindar út frá tilgangi, ábyrgð, samstarfsaðilum og samfélagsáhrifum.

Skipan hópsins

  • Guðrún Jóna Guðlaugsdóttir, verkefnastjóri sjálfsvígsforvarna hjá embætti landlæknis, formaður
  • Ingibjörg Sveinsdóttir, heilbrigðisráðuneyti
  • Sigrún Sigurðardóttir, prófessor við heilbrigðisvísindasvið Háskólans á Akureyri, fyrir hönd Geðhjálpar
  • Liv Anna Gunnell, sálfræðingur, Þróunarmiðstöð íslenskrar heilsugæslu,
  • Jóhanna María Eyjólfsdóttir, djákni, fagstjóri Sorgarmiðstöðvar
  • Sigurður Páll Pálsson, geðlæknir, Landspítala
  • Grétar Björnsson, félagsráðgjafi, fyrir hönd Hugarafls
  • Ásta Ingibjörg Pétursdóttir, prestur
  • Guðríður Haraldsdóttir, sálfræðingur, fyrir hönd Geðheilsumiðstöðvar barna
  • Tómas Kristjánsson, sálfræðingur og dósent við HÍ, fyrir hönd Píetasamtakanna

Starfshópurinn getur kallað til sín aðra sérfræðinga og haghafa eftir þörfum, s.s. fulltrúa frá hagsmunasamtökum, mennta- og barnamálaráðuneyti, félags- og vinnumarkaðsráðuneyti, dómsmálaráðuneyti og Sambandi íslenskra sveitarfélaga.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search