06.05.2020
Gulu bátarnir frá Ribsafari hafa löngum verið merki þessa að sumarið sé komið hér í Eyjum ásamt lundanum sjálfum og nú föstudaginn, 8. maí, mun Ribsafari opna fyrir ferðir hjá sér. Spáin fyrir helgina er dásamleg svo nú er um að gera að skella sér í ferð. Ribsafari býður nú fólki upp á 20% afslátt af ferðunum hjá sér ef pantað er á vefsíðunni www.ribsafari.is eða á söluskrifstofu félagsins í Eyjum.
„Til að koma til móts við fólk á þessum fordæmalausu tímum höfum við ákveðið að veita 20% afslátt af ferðunum hjá okkur í sumar ef fólk bókar í gegnum vefsíðuna okkar www.ribsafari.is eða beint á söluskrifstofunni okkar í Tangagötunni í Eyjum. Fólk þarf bara að nota afsláttarkóðann Sumar2020 og þá reiknast afslátturinn sjálfkrafa inn,“ segir Laila Pétursdóttir hjá Ribsafari. „Nú er fjöldi fólks að koma yfir til Eyja vegna Puffin Run og var því ákveðið að setja ribbát á flot til að gefa fólki kost á því að njóta Eyjanna frá sjó og skella sér í skemmtilega Ribsafari ferð,“ segir Laila enn fremur.
Hægt er að velja um tvenns konar ferð hjá Ribsafari. Annars vegar klukkustundarferð þar sem farið er út í smáeyjarnar, inn í sjávarhella eins og Kafhelli og Ægisdyr, kíkt á lundann og fleira. Spíttað er inn á milli í og svo stoppað og sagðar sögur frá náttúrunni, mannlífinu og sögunni okkar. Hins vegar er líka tveggja tíma ferðin þar sem hægt siglt er að auki út í úteyjarnar og jafnvel út í Súlnasker sem er ein magnaðasta eyjan sem er hægt að sigla að þar sem í góðu veðri er hægt að sigla í gegnum hana. Í tveggja tíma ferðinni er kíkt á nokkrar úteyjar, og meiri líkur á að sjá seli og hvali í náttúrunni.
Hægt er að panta ferðir á www.ribsafari.is.
