Nokkrir punktar sem gott er að hafa í huga fyrir Þrettándagleðina í kvöld

Gleðilegan Þrettánda kæru vinir

Í dag verður Þrettándagleði ÍBV með breyttu sniði í ljós þeirra takmarkana sem gilda í samfélaginu.

Hér eru nokkrir punktar sem gott er að hafa í huga:

Þeir sem eiga Þrettándafána mega endilega flagga honum í dag, eigum til nokkra á skrifstofu félagsins fyrir þá sem vantar.

Kveikt verður á kertunum (ÍBV stöfunum) kl. 19:00 á Molda.
Jólasveinarnir verða með blys upp á Há og veifa til barnanna og hver veit nema að þeir birtist „live“ á Facebook síðu Þrettándans í kvöld.

Gaman væri að börnin í bænum myndu kveikja á blysum á sama tíma til að jólasveinarnir sjái þau.

Skotið verður upp flugeldum af Hánni, Helgafelli, Eldfelli, Heimakletti og Klifi.

Þrettándablaðið er komið út stútfullt af skemmtilegheitum, það er aðeins í rafrænu formi og hægt að skoða það hér.

Flugeldasala Björgunarfélagsins er opin í dag kl. 15:00-19:00, 25% afsláttur af öllu og eiga þeir til eitthvað af blysum á sérstöku tilboði 350 kr. stk.

Við hvetjum ykkur til að virða fjöldatakmarkanir og sóttvarnir og vinsamlegast safnist ekki saman í hópum til að fylgjast með.

Síðan er tilvalið að fylgjast með Kára Kristjáni vini okkar og strákunum í landsliðinu mæta Portúgal í undankeppni EM 2022 á RÚV kl. 19:30.

Eftir leikinn er svo hægt að horfa á Þrettándamyndina, en hægt er að leigja hana hér.

Njótum í garðinum heima og höldum Þrettándakaffi með jólukúlunni okkar!

Góða skemmtun.

Forsíðumynd Addi London

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search