Nóa Síríus kemur með fjór­a nýa mol­ar í kon­fekt­kassan

26.08.2020

Í ár held­ur Nói Síríus upp á 100 ára af­mæli. Þessi þjóðþekkti sæl­gæt­is­fram­leiðandi hef­ur fagnað tíma­mót­un­um með fjöl­breytt­um uppá­kom­um þar sem hefðbundnu sæl­gæti er gert hátt und­ir höfði auk þess sem girni­leg­ar nýj­ung­ar hafa litið dags­ins ljós.

Af þessu merka til­efni hafa fjór­ir nýir kon­fekt­mol­ar verið kynnt­ir til sög­unn­ar. Silja Mist Sig­ur­karls­dótt­ir, markaðsstjóri Nóa Síríus, sagði í samtalið við mbl.is frá nýju mol­un­um og af­mæl­is­skreyt­ing­un­um sem munu prýða kon­fekt­kass­ana í ár.

Í til­efni ald­ar af­mæl­is­ins bera kass­arn­ir sér­staka 100 ára merk­ingu. Auk þess fer hinn hefðbundni kílóa­kassi í gam­al­kunn­an bún­ing og verður hvít­ur. Hug­mynd­irn­ar bakvið nýju mol­ana fjóra hafa verið sótt­ar í sögu fyr­ir­tæk­is­ins og fram­leiðslu­stjór­ar Nóa Síríus, Björg­vin Richter og Jón Fann­ar Magnús­son, ásamt starfs­fólki fram­leiðslunn­ar hafa sam­einað sína ára­tuga reynslu og þekk­ingu í að þróa og full­komna upp­skrift­irn­ar.

„Þetta er sögu­leg breyt­ing, enda hef­ur inni­hald kass­anna hald­ist meira og minna óbreytt frá upp­hafi. Í ár fögn­um við sög­unni og kynn­um fjóra nýja kon­fekt­mola.“

Fyrsti mol­inn er inn­blás­inn af hefðbundn­um ís­lensk­um laufa­brauðsskurði. Laufa­brauðsmol­inn er ein­stak­lega hátíðleg­ur með fyll­ingu sem sam­an­stend­ur af kó­kos og kara­mellu. ​„Það er skemmti­leg saga á bak við þessa fyll­ingu. Hún varð óvænt til fyr­ir ára­tug síðan þegar ung­ur starfsmaður blandaði tveim­ur fyll­ing­um sam­an fyr­ir al­gjöra til­vilj­un. Úr varð þessi góm­sæta fyll­ing sem vakti mikla lukku inn­an­húss og við erum búin að vera að spara fyr­ir rétta til­efnið“.

Nói Síríus hef­ur fengið fjöl­marg­ar fyr­ir­spurn­ir frá neyt­end­um þar sem óskað er eft­ir lakk­rís­mola í kon­fekt­kass­ann.

„Hrafna­mol­inn er svar okk­ar til neyt­enda sem hafa ít­rekað óskað eft­ir mola með lakk­rís­fyll­ingu. Loks­ins get­um við orðið við því, enda er dá­læti ís­lensku þjóðar­inn­ar á lakk­rís orðið heims­frægt,“​ út­skýr­ir Silja Mist.

Tveir kon­fekt­mol­anna sækja inn­blást­ur frá fyrri tíð​. „Nóa Síríus mol­inn er tákn­mynd fyr­ir sögusæl­gæt­is­gerðar­inn­ar. Þegar við vor­um að und­ir­búa 100 ára sýn­ingu Nóa á Árbæj­arsafni fund­um við gamla upp­skrift að rjómatrufflu frá því að verk­smiðjan var á Baróns­stíg. Við hverf­um því aft­ur til upp­run­ans með þess­um fágaða og silkimjúka mola.

Fjórði og síðasti mol­inn kem­ur svo úr bók­um eins verk­stjór­ans. Hann blandaði iðulega sam­an kó­kos og marsíp­ani í kon­fekt­mola fyr­ir starfs­menn til hátíðarbrigða um jól­in. Þetta hef­ur alltaf verið í miklu upp­á­haldi hjá starfs­fólki og nú fær þjóðin að njóta með okk­ur.“

Silja Mist er afar stolt af út­kom­unni og hlakk­ar til að deila nýj­ung­un­um með lands­mönn­um.

„Við höf­um nálg­ast þetta verk­efni af miklu æðru­leysi, enda vit­um við hversu var­lega þarf að fara í breyt­ing­ar á Nóa Kon­fekti sem á sér fast­an sess í hátíðar­höld­um lands­manna. Ald­araf­mælið þótti kjörið til­efni til að upp­færa úr­valið og vísa í sögu fyr­ir­tæk­is­ins með nýj­um og bragðgóðum viðbót­um. Við erum virki­lega ánægð og spennt að deila þessu með þjóðinni.“

Kon­fektið verður fá­an­legt í versl­un­um frá og með næstu helgi. Því ættu all­ir lands­menn að geta nálg­ast nýju mol­ana og fagnað stóraf­mæl­inu með Nóa Síríus

Greint er frá þessu á mbl.is