New York Times mælir með Vestmannaeyjum á ferðalistann

New York Times birti í gær lista yfir 52 staði sem blaðið mælir með við lesendur sína að heimsækja á árinu og voru Vestmannaeyjar meðal áfangastaða. Þá nefna þeir sérstaklega að Vestmannaeyjar séu kallaðar matarhöfuðborg Íslands.

Berglind Sigmarsdóttir, formaður Ferðamannasamtakanna í Eyjum, segir Eyjamenn vera í skýjunum yfir því að hafa ratað á þennan lista sem  hefur þetta gríðarlega mikið að segja. „Við erum búin að vera vinna í því í nokkur ár að stækka ferðamannatímann hjá okkur með alls konar viðburðum eins og Matey og fleiri viðburðum. Þannig þetta er gríðarlega mikilvægt fyrir okkur.“  Berglind segir Eyjarnar hafa mikið upp á að bjóða bæði afþreyingu og veitingastaði en Vestmannaeyjar hlutu meðal annars tilnefningu til Embla Food Awards árið 2021 sem besti mataráfangastaður. „Við erum náttúrulega rétt fyrir utan Gullna hringinn og fólk hefur soldið verið að keyra fram hjá okkur en við vonum núna að það fari að kíkja yfir á leiðinni á Jökulsárslón. Hér er gríðarlega mikil saga en það var til dæmis byggt flott safn í kringum eldgosið 1973, Eldheimar, sem hefur líka fengið verðlaun, þannig þetta er bara önnur fjöður í sama hatt.“ Berglind segir mjög algengt að fólk heimsæki Vestmannaeyjar í einn dag en átti sig svo á því að það hefði þurft að gefa sér lengri tíma til að upplifa allt sem er í boði. „Þú færð svo margt hérna á sama punktinum og þarft ekki að vera á bíl. Þú hefur svarta strönd,  eldfjall, góða veitingastaði, brugghús og frábær bakarí. Svo hefur bæst við mikið af góðri lúxusgistingu.“

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search